Categories
Breaking news

شاہ محمود کا اماراتی ہم منصب سے ٹیلیفونک رابطہ

Advertisement
شاہ محمود کا اماراتی ہم منصب سے ٹیلیفونک رابطہ

وزیر خارجہ شاہ محمود قریشی نے متحدہ عرب امارات (یو اے ای) کے ہم منصب سے ٹیلیفونک رابطہ کیا ہے۔

وزیر خارجہ نے اماراتی ہم منصب سے یو اے ای کے وزیر خزانہ کے انتقال پر اظہار تعزیت کیا۔

یو اے ای کے وزیر خارجہ نے شاہ محمود قریشی سے وزیراعظم عمران خان کی صحتیابی سے متعلق استفسار کیا اور ان کی تندرستی کے لیے دعا اور نیک تمناؤں کا اظہار کیا۔

شاہ محمود قریشی کی اماراتی ہم منصب سے گفتگو میں دو طرفہ تعلقات، مختلف شعبہ جات میں تعاون کے فروغ سمیت باہمی دلچسپی کے امور پر تبادلہ خیال کیا گیا۔

اس موقع پر وزرائے خارجہ نے دو طرفہ تعلقات کی نوعیت پر اطمینان کا اظہار کیا اور مختلف شعبہ جات میں تعاون کو مزید بڑھانے پر اتفاق بھی کیا۔

اماراتی ہم منصب سے گفتگو پر شاہ محمود قریشی نے کہا کہ پاکستان اور یو اےای کے درمیان روابط سے سفری سہولیات میں بہتری آئی ہے جسے مزید بہتر بنانے کی ضرورت ہے۔

انہوں نے مزید کہا کہ دونوں وزرائے خارجہ کا بین الاقوامی فورمز پر دو طرفہ تعاون بڑھانے پر بھی اتفاق ہوا ہے۔

وزیر خارجہ نے یہ بھی کہا کہ دوطرفہ تعلقات کو مزید مستحکم بنانے کے لئے دو طرفہ اعلیٰ سطح کے روابط کا تسلسل ناگزیر ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *