Categories
Breaking news

شاہ محمود قریشی کی اسٹاک ایکسچینج حملے کی مذمت

Advertisement

شاہ محمود قریشی کی پاکستان اسٹاک ایکسچینج پر حملے کی مذمت

وزیر خارجہ شاہ محمود قریشی نے پاکستان اسٹاک ایکسچینج پر ہونے والے دہشت گردی کے حملے کی شدید مذمت کی ہے۔

Advertisement

شاہ محمود قریشی نے اپنے بیان میں کہا ہے کہ دشمن نے ایک دفعہ پھر ہماری داخلی سلامتی پر حملہ آور ہونے کی کوشش کی، ہماری مستعد فورسز نے فوری طور پر جس طرح دہشت گردوں کے مکروہ عزائم کو ناکام بنایا ہے وہ قابل تحسین ہے۔

شاہ محمود قریشی نے کہا کہ پولیس اور قانون نافذ کرنے والے اداروں کی بروقت کارروائی نے دہشت گردوں کے مذموم عزائم کو خاک میں ملا دیا ۔

انہوں نے کہا کہ دہشت گردی کے عفریت کو جڑ سے اکھاڑنے کیلئے، پوری قوم، مسلح افواج، پولیس اور قانون نافذ کرنے والے اداروں کے ساتھ سیسہ پلائی ہوئی دیوار کی طرح کھڑی ہے ۔

وزیر خارجہ نے اس بزدلانہ حملے کو ناکام بنانے کیلئے اپنی جانوں کا نذرانہ پیش کرنے والے شہدا کی بلندی درجات کیلئے دعا اور لواحقین کے ساتھ اظہار ہمدردی کیا۔

پاکستان اسٹاک ایکسچینج پر حملہ ناکام، 4 دہشتگرد ہلاک

پاکستان اسٹاک ایکسچینج کے قریب دستی بم کے حملے اور فائرنگ سے پولیس اہلکار زخمی ہوگیا۔

واضح رہے کہ پاکستان اسٹاک ایکسچینج پر سیکیورٹی فورسز نے دہشت گروں کا حملہ ناکام بنا دیا تھا۔

سیکیورٹی فورسز نے 4 دہشت گروں کو ہلاک کردیا ہے جبکہ فائرنگ کے تبادلے میں پولیس اہلکار سمیت 4 سیکیورٹی گارڈ بھی جاں بحق ہوئے ہیں۔

ڈی جی رینجرز سندھ میجر جنرل عمر احمد بخاری کاکہنا ہے کہ پاکستان اسٹاک ایکسچینج پر حملہ کرنے والے دہشت گردوں کی پشت پناہی پر پڑوسی ملک کی خفیہ ایجنسی ’را‘ ملوث ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *