Categories
Breaking news

شاہ محمود قریشی کل برسلز پہنچیں گے

شاہ محمود قریشی کل برسلز پہنچیں گے

پاکستان کے وزیرِ خارجہ مخدوم شاہ محمود قریشی یورپین یونین کے ساتھ مذاکرات کے لیے (کل) پیر کے روز یورپین دارالحکومت برسلز پہنچیں گے۔

اپنے اس 3 روزہ دورے میں وزیرِ خارجہ شاہ محمود قریشی یورپین یونین، نیٹو اور بیلجیئم کے ساتھ مختلف مراحل کے مذاکرات کا حصہ بنیں گے۔

منگل کے روز وزیرِ خارجہ شاہ محمود قریشی یورپین یونین کے خارجہ و سیکیورٹی امور کے سربراہ اور نائب صدر جوزپ بوریل کے ساتھ ای یو پاکستان اسٹریٹجک ڈائیلاگ میں شریک ہوں گے۔

شاہ محمود کی جوزپ بوریل سے ملاقات، پاک یورپ تعلقات سمیت دیگر امور پر گفتگو

وزیر خارجہ شاہ محمود قریشی نے ملاقات میں اس بات پر زور دیا کہ پاکستان اور یورپی یونین کے تعلقات اسٹریٹجک انگیجمنٹ پلان پر جون 2019 میں دستخط کے بعد مزید مظبوط ہوئے ہیں۔

اسی روز وزیرِ خارجہ برسلز میں نیٹو ہیڈ کوارٹرز کا دورہ کریں گے جبکہ وہ پاکستان اور بیلجیئم کے درمیان دو طرفہ مذاکرات میں پاکستانی وفد کی قیادت بھی کریں گے۔

اس کے علاوہ پاکستانی وزیرِ خارجہ کی یورپین پارلیمنٹ کے بہت سے ارکان سے ملاقاتیں بھی متوقع ہیں۔

یہ ملاقاتیں بیلجیئم میں کورونا وائرس کی صورتِ حال میں اجتماع کی نئی حکومتی بندشوں کے تناظر میں ایڈجسٹ کی جائیں گی۔

ان تمام مذاکرات میں یورپین یونین، بیلجیئم اور لکسمبرگ کے لیے سفیرِ پاکستان ظہیر اے جنجوعہ بھی پاکستانی وفد کا حصہ ہوں گے۔

قومی خبریں سے مزید

Original Article

Leave a Reply

Your email address will not be published.