Categories
Breaking news

شاہد خاقان کی نریندر مودی کو لکھے گئے عمران خان کے خط کے مندرجات پر تنقید

Advertisement
شاہد خاقان کی نریندر مودی کو لکھے گئے عمران خان کے خط کے مندرجات پر تنقید

سابق وزیراعظم شاہد خاقان عباسی نے وزیراعظم عمران خان کی جانب سے بھارتی ہم منصب نریندر مودی کو لکھے گئے خط کے مندرجات پر تنقید کی ہے۔

ایک بیان میں ن لیگ کے سینئر رہنما نے کہا کہ وزیراعظم نے نریندر مودی کو بھجوائے گئے خط میں لکھا کہ کشمیر کا مسئلہ حل ہونا چاہیے۔

انہوں نے کہا کہ وزیراعظم نے بھارتی ہم منصب کو بھیجے گئے خط میں مسئلہ کشمیر سے جڑی اقوام متحدہ کی قراردادوں کا ذکر تک نہیں کیا۔

شاہد خاقان عباسی نے استفسار کیا کہ کیا چینی بھارت کے سوا کسی اور ملک سے نہیں منگوائی جاسکتی تھی؟ وزیراعظم اس کا جواب دیں۔

انہوں نے سوال اٹھایا کہ کیا ہم مسئلہ کشمیر پر یو این قراردادوں سے ہٹ گئے؟ وزیراعظم اس سے متعلق پارلیمنٹ میں آکر جواب دیں۔

ان کا کہنا تھا کہ افسوس ہے کہ کس قسم کے حکمران ملک پر مسلط ہیں، ملک میں کیا ہورہا ہے سب کو نظر آرہا ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *