Categories
Breaking news

شادی ہالز میں پیک کھانے کی فراہمی یقینی بنائی جائے، چیف سیکریٹری بلوچستان

جنگ نیوز

چیف سیکرٹری بلوچستان کیپٹن (ر) فضیل اصغر نے کوئٹہ کے شادی ہالز میں پیک کھانا فراہم کرنے، شاپنگ مالز اور پبلک ٹرانسپورٹ میں لوگوں کو ماسک پہننے پر سختی سے عملدرآمد کی ہدایت کردی۔

چیف سیکرٹری نے محکمہ صحت میں بہتری لانے کیلئے کمیٹی کی تشکیل کی بھی ہدایت کردی۔

چیف سیکرٹری بلوچستان کیپٹن (ر) فضیل اصغر نے یہ ہدایات کورونا وائرس کی روک تھام اور محکمہ صحت میں بہتری کے حوالے سے اجلاس میں دی جس میں حکومت کی طرف سے دیے گئے ایس او پیز پر عملدرآمد کو یقینی بنانا اور صوبے کے اسپتالوں میں صحت کی بہترین سہولیات کی فراہمی سے متعلق امور کا جائزہ لیا گیا۔

Table of Contents

x
Advertisement

یہ بھی پڑھیے

چیف سیکریڑی نے اجلاس کے شرکا سے خطاب کرتے ہوئے کہا کہ کورونا وائرس کی دوسری لہر خطرناک ہے اور اگر لوگوں نے اس بیماری کو سنجیدہ نہیں لیا تو بڑی تباہی کا باعث بن سکتی ہے۔

انہوں نے کہا کہ صوبائی حکومت اس کی روک تھام اور ایس او پیز پر عملدرآمد کو یقینی بنانے کیلئے تمام دستیاب وسائل بروئے کار لارہی ہے۔

انہوں نے شادی ہالز میں پیک کھانا، شاپنگ مالز اور پبلک ٹرانسپورٹ میں لوگوں کو ماسک پہننے پر سختی سے عملدرآمد کی بھی ہدایت کی۔ چیف سیکرٹری نے کہا کہ صوبائی حکومت محکمہ صحت میں بہتری لانے کی بھی خواہشمند ہے۔

انہوں نے اس سلسلے میں سیکرٹری صحت کو ہدایت کی کہ ایک کمیٹی بنائی جائے جس میں وہ محکمہ میں بہتری لانے کیلیے تجاویز پیش کریں گی۔

انہوں نے کہا کہ ہسپتالوں کی تعمیر و مرمت کیساتھ ساتھ ادویات کی فراہمی کو بھی یقینی بنایا جائے۔

قومی خبریں سے مزید

Original Article

Leave a Reply

Your email address will not be published. Required fields are marked *