Categories
Breaking news

سی ایس ایس امتحان میں کوٹہ سسٹم، سیکریٹری اسٹیبلشمنٹ و قانون انصاف کو نوٹسز جاری

Advertisement
سی ایس ایس امتحان میں کوٹہ سسٹم، سیکریٹری اسٹیبلشمنٹ و قانون انصاف کو نوٹسز جاری

سندھ ہائی کورٹ نے سی ایس ایس امتحان میں کوٹہ سسٹم کے خلاف درخواست پر سیکریٹری اسٹیبلشمنٹ اور سیکریٹری قانون وانصاف اور دیگر کو نوٹس جاری کردیے۔

سندھ ہائیکورٹ میں شہری کی جانب سے سی ایس ایس امتحان 2021 میں کوٹہ سسٹم کے خلاف درخواست دائر کی گئی ہے۔

Table of Contents

x
Advertisement

درخواست میں موقف اختیار کیا گیا ہے کہ سابق وزیرِاعظم ذوالفقار علی بھٹو کی جانب سے کوٹہ سسٹم نافذ کیا گیا جس میں سابق صدر ضیاء الحق اور اس کے بعد سابق وزیر اعظم نواز شریف نے اضافہ کیا جس کی مدت 13 اگست 2013 کو پوری ہوچکی ہے۔

درخواست میں کہا گیا کہ اوپن میرٹ پر سی ایس ایس کے امتحانات منعقد کروائے جائیں، کوٹہ سسٹم امتیازی سلوک کے مترادف ہے، اور یہ سسٹم آئین کے آرٹیکل 27 ایک، 9، 18، 25 کی خلاف ورزی ہے۔

مذکورہ درخواست میں حکم امتناع کی استدعا بھی کی گئی۔

درخواست کی سماعت کرتے ہوئے جسٹس محمد علی مظہر نے کہا کہ درخواست دائر کی گئی ہے، فریقین کو سنے بغیر حکم امتناع کیسے جاری کرسکتے ہیں۔

عدالت نے سیکریٹری اسٹیبلشمنٹ، سیکریٹری قانون وانصاف، چیئرمین فیڈرل پبلک سروس کمشین، ڈپٹی اٹارنی جنرل کو نوٹس جاری کرتے ہوئے جواب طلب کرلیا۔

عدالت نے کیس کی سماعت غیر معینہ مدت تک کے لیے ملتوی کردی۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *