سیکریٹری پنجاب اسمبلی کی ممکنہ گرفتاری، پولیس عدالت پہنچ گئی

سیکریٹری پنجاب اسمبلی کی ممکنہ گرفتاری کے لیے پولیس لاہور ہائی کورٹ پہنچ گئی۔

ذرائع کے مطابق سیکریٹری پنجاب اسمبلی محمد خان بھٹی لاہور ہائی کورٹ میں موجود ہیں، ان کے وکلاء بھی احاطۂ عدالت میں موجود ہیں۔

پولیس محمد خان بھٹی کے ہائی کورٹ سے نکلنے کا انتظار کر رہی ہے۔

اس سے قبل پنجاب اسمبلی کے سیکریٹری کوآرڈینیشن عنایت اللّٰہ لک کو آج صبح لاہور ہائی کورٹ جاتے ہوئے گورنر ہاؤس کے سامنے سے گرفتار کیا گیا تھا۔

پولیس ذرائع کے مطابق پنجاب اسمبلی کے سیکریٹری کوآرڈینیشن عنایت اللّٰہ لک کو 3 ایم پی او کے تحت حراست میں لیا گیا۔

پولیس ذرائع کا کہنا ہے کہ عنایت اللّٰہ لک کی جانب سے اسمبلی اجلاس میں کسی ناخوش گوار واقعے کا خدشہ تھا۔

قومی خبریں سے مزید

الیکشن کمیشن کے بجائے فارن فنڈنگ کا کیس لڑیں، رانا ثنا اللّٰہ