Categories
Breaking news

سینیٹ میں اپوزیشن کی شکست واضح ہے، شاہ محمود

Advertisement
سینیٹ میں اپوزیشن کی شکست واضح ہے، شاہ محمود

وزیر خارجہ شاہ محمود قریشی نے کہا ہے کہ سینیٹ الیکشن میں ووٹوں کی خریداری کی آواز سنائی دے رہی ہے، ایوان بالا میں اپوزیشن کی شکست واضح ہے۔

ملتان سے جاری بیان میں شاہ محمود قریشی نے کہا کہ کرپٹ اور بوسیدہ نظام کی تبدیلی پر کوئی سمجھوتہ نہیں ہوسکتا، مہنگائی ہماری حکومت کیلئے ایک بہت بڑا چیلنج ہے۔

Table of Contents

x
Advertisement

انہوں نے کہا کہ وزیراعظم عمران خان ملک میں کرپشن کے خاتمے کے لیے پرعزم ہیں، سینیٹ الیکشن میں ووٹوں کی خریداری کی آواز سنائی دے رہی ہے۔

وزیر خارجہ نے مزید کہا کہ اپوزیشن نے ہمیشہ پیسے کے بل بوتے پر سیاست کی ہے، اپوزیشن کو سینیٹ الیکشن میں اپنی شکست واضح نظر آرہی ہے۔

اُن کا کہنا تھا کہ شکست کے خوف کی وجہ سے اپوزیشن اوپن بیلیٹنگ کی مخالفت کر رہی ہیں، ملک میں تبدیلی کی راہ میں سب سے بڑی رکاوٹ اپوزیشن ہے۔

شاہ محمود قریشی نے کہا کہ سینیٹ الیکشن شفاف کرانے پر اپوزیشن کا احتجاج سمجھ سے باہر ہے، اپوزیشن پرانا پاکستان چاہتی ہے جہاں ضمیر بیچے جاتے ہیں۔

انہوں نے کہا کہ سینیٹ انتخابات میں کامیابی کے بعد تحریک انصاف ایوان بالا کی سب سے بڑی جماعت بن جائے گی۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *