Categories
Breaking news

سینئر وکیل پر پالتو کتوں کا حملہ، کراچی بار کی مذمتی قرارداد منظور

سینئر وکیل پر پالتو کتوں کا حملہ، کراچی بار کی مذمتی قرارداد منظور

سینئر وکیل مرزا اختر پر پالتو کتوں کے حملے کے خلاف کراچی بار ایسوسی ایشن نے مذمتی قرارداد منظور کرلی، کراچی بار نے سندھ حکومت سے ذمہ داران کے خلاف سخت کارروائی کا مطالبہ کر دیا۔

کراچی بار ایسوسی ایشن کی مذمتی قرارداد میں کہا گیا ہے کہ 16 جون کو ڈیفنس کے علاقے میں دو پالتو کتوں نے سینئر وکیل مرزا اختر پر حملہ کر دیا، زخمی وکیل سڑک پر پڑے رہے نہ تو کتوں کے مالک نے مدد کی نہ ہی کسی اورنے، ماضی میں بھی یہ کتے اسی طرح کسی اور پر بھی حملہ کرچکے ہیں ۔

کراچی، مقامی ایڈووکیٹ کو پالتو کتوں نے بھنبھوڑ ڈالا

کراچی کے علاقے ڈیفنس فیز 6 میں خیابان راحت اور خیابان سحر کے قریب واک کرنے کے دوران مقامی ایڈوکیٹ مرزا اختر علی کو بری طرح زخمی کرنے والے کتوں کے مالک کے خلاف درخواست نے مقدمہ درج کر لیا مگر پولیس کے مطابق کتوں کے مالک نے ضمانت قبل از گرفتاری کرا رکھی ہے۔

قرارداد میں مزید کہا گیا کہ شہر کے دیگر علاقوں میں بھی کتے کے کاٹنے کے واقعات بڑھ رہے ہیں، کراچی بار کا مطالبہ ہے کہ سندھ حکومت ذمہ داران کے خلاف سخت کارروائی کرے ۔

واضح رہے کہ واقعے کا مقدمہ درخشاں تھانے میں درج ہے، جبکہ کتوں کے مالک نے ضمانت قبل از گرفتاری حاصل کر رکھی ہے۔

قومی خبریں سے مزید

Original Article

Leave a Reply

Your email address will not be published. Required fields are marked *