Categories
Breaking news

سیمینار میں نواز شریف کی تقریر پر حکومتی تنقید مسترد

عاصمہ جہانگیر فاؤنڈیشن نے لاہور سیمینار میں نواز شریف کی تقریر پر حکومتی تنقید مسترد کردی۔

فاؤنڈیشن نے اعلامیے میں کہا ہے کہ کاںفرنس کی روایت ہے اختتامی سیشن میں اپوزیشن رہنماؤں کوخطاب کے لئے بلایا جاتاہے، میاں ںواز شریف کو اپوزیشن پارٹی کے رہنما کے طور پراختتامی سیشن میں بلایا گیا تھا۔

اعلامیے میں کہا گیا ہے کہ پہلی عاصمہ جہانگیر کانفرنس میں شیریں مزاری اور بلاول بھٹو نے اختتامی سیشن میں خطاب کیا، کانفرسں میں کسی ایک جماعت کے ساتھ یا جانبداری کے تاثر کو مسترد کرتے ہیں۔

ججز سیمینار میں سزا یافتہ کو بطور مہمان خصوصی بُلایا گیا، وزیراعظم عمران خان

عمران خان نے کہا کہ پاکستان میں صرف چھوٹے چور پکڑے جاتے ہیں،چوروں کو برا نہیں سمجھا جاتا، جب ملک کا لیڈر ہی پیسا چوری کرنا شروع کردے اس سے بڑا اللّٰہ کا عذاب کسی انسان پر نہیں آسکتا۔

عاصمہ جہانگیر فاؤنڈیشن کا کہنا ہے کہ نواز شریف کی تقریر کو بلیک آؤٹ کرنا موجودہ دور میں میسر آزادی رائے پر سوالات اٹھاتا ہے۔

اعلامیے کے مطابق موجودہ حکومت نے اسحاق ڈار اور پرویز مشرف کی تقاریر نشر ہونے دیں، انہیں عدالتیں اشتہاری قرار دے چکی ہیں۔

قانونی برادری کا یہ موقف ہے کہ نواز شریف کو دی جانے والی سزا سیاسی نوعیت کی ہے، کانفرنس کو ٹارگٹ کرکے حکومت نے عدلیہ کو درپیش اصل مسائل سے توجہ ہٹانے کی کوشش کی۔

اعلامیے میں کہا گیا ہے کہ عاصمہ جہانگیر کانفرنس عوام کی اسمبلی ہے، اس کو سیاسی رنگ دینا افسوسناک ہے۔

قومی خبریں سے مزید

Original Article

Leave a Reply

Your email address will not be published. Required fields are marked *