Categories
Breaking news

سیالکوٹ واقعے کے ذمہ داروں کو کٹہرے میں کھڑا کیا جائے گا، طاہر اشرفی

سیالکوٹ واقعے کے ذمہ داروں کو کٹہرے میں کھڑا کیا جائے گا، طاہر اشرفی

وزیر اعظم کے نمائندہ خصوصی طاہر اشرفی نے کہا ہے کہ سیالکوٹ واقعے کے ذمہ داروں کو انصاف کے کٹہرے میں کھڑا کیا جائے گا۔

طاہر اشرفی نے لاہور ایئر پورٹ پر میڈیا سے گفتگو کرتے ہوئے کہا کہ واقعے میں ملوث ہر شخص کو ضرور گرفتار کیا جائے گا۔

ان کا کہنا ہے کہ سیالکوٹ واقعے کے بعد سری لنکا کے ساتھ تعلقات پر اثر نہیں پڑے گا۔

پریانتھا کمارا پر تشدد میں ملوث مزید 7 افراد گرفتار

گزشتہ ہفتے سیالکوٹ میں پیش آنے والے سری لنکن شہری کے قتل کے افسوسناک واقعے میں ملوث مزید 7 افراد کو گرفتار کر لیا گیا ہے۔

دوسری جانب ترجمان پنجاب پولیس کا کہنا ہے کہ سیالکوٹ کیس میں گرفتار ملزموں کی تعداد 132ہوگئی ہے، اب تک کی تحقیقات کے مطابق گرفتار ملزمان میں 26 کا مرکزی کردار سامنے آیا، ملزمان کو پولیس نے حراست میں لے کر تفتیش شروع کردی ہے۔

سیالکوٹ میں مشتعل ہجوم کے ہاتھوں قتل ہوئے سری لنکا کے مقتول شہری پریانتھا کمارا کی میّت سری لنکا کے شہر کولمبو روانہ کردی گئی، پاکستانی وقت کے مطابق پریانتھا کمارا کی میت 4 بجکر 30 منٹ پر کولمبو پہنچے گی۔

واضح رہے کہ 3 روز قبل سیالکوٹ میں توہینِ مذہب کے الزام میں سیکڑوں افراد نے ایک فیکٹری کے سری لنکن منیجر کو تشدد کر کے قتل کر دیا تھا اور لاش جلا دی تھی۔

قومی خبریں سے مزید

Original Article

Leave a Reply

Your email address will not be published.