سیالکوٹ واقعہ پاک سری لنکا تعلقات پر اثر انداز نہیں ہوگا، سری لنکن ہائی کمشنر

فوٹو بشکریہ سری لنکن ہائی کمشنر موہن وجے وکراما

سری لنکن ہائی کمشنر موہن وجے وکراما کا کہنا ہے کہ پاکستان اور سری لنکا دوست ہیں اور دوست رہیں گے، میں یقین دلاتا ہوں کہ یہ واقعہ ہمارے تعلقات پر اثر انداز نہیں ہوگا۔

سری لنکن ہائی کمشنر موہن وجے وکراما نے میڈیا سے گفتگو کے دوران پاکستانی عوام کی جانب سے تعزیت کے اظہار پر شکریہ ادا کرتے ہوئے کہا کہ سیالکوٹ واقعہ افسوس ناک ہے، اس پر حکومت پاکستان نے تعاون فراہم کیا ہے۔

موہن وجے وکراما نے کہا ہے کہ ہم پاکستان کی حکومت کی طرف سے لیے گئے اقدامات سے خوش ہیں، بہت بڑی تعداد میں لوگوں کو گرفتار کیا گیا ہے، یہ واقعہ ہمارے تعلقات کو متاثر نہیں کرے گا، پاکستان کے ساتھ ہمارے تعلقات بہترین رہے۔

انہوں نے مزید کہا کہ یقین ہے حکومت پاکستان ایسے اقدامات کرے گی کہ فیملی کو انصاف ملے، یہ ایک قتل ہوا ہے، سری لنکن حکومت کو یقین ہے کہ اس کا تعلق پاکستان سری لنکا تعلق سے نہیں، ہم نے دیکھا کہ پاکستان نے فوری ایکشن لیا، ہم دیکھ رہے ہیں کہ بڑی تعداد میں لوگوں کو گرفتار کرلیا گیا ہے۔

سری لنکن ہائی کمشنر موہن وجے وکراما کا کہنا تھا کہ ہمیں کہنے کی ضرورت نہیں کہ ہم دوست ہیں، پاکستان اور سری لنکا کے سوشل، ڈیفنس اور تجارتی تعلقات ہیں، اس واقعے سے ہمارے تعلقات پر منفی اثرات مرتب نہیں ہوں گے۔

اُن کا کہنا تھا کہ آج شہری کی میت سری لنکا واپس بھیج دی ہے۔

اس دوران پی ٹی آئی کے رہنما ارشد داد نے تحریک انصاف کی طرف سے سری لنکن ہائی کمشنر سے معذرت اور تعزیت کا اظہار کیا اور کہا کہ شرمندگی ہے کہ ایسے واقعے کے لیے مذہب کا نام استعمال کیا گیا۔

قومی خبریں سے مزید

Original Article

رانا شمیم کا حلف نامہ منگوانے کا خط عدالتی ریکارڈ کا حصہ بنایا جائے، اٹارنی جنرل

ووٹ کو عزت دو کا نعرہ لگانے والے ووٹروں کو عزت دینا بھی سیکھیں، شازیہ مری

لاہور: ماڈل ٹاؤن کچہری سے 10 قیدی فرار

سیالکوٹ واقعے کے ذمہ داروں کو کٹہرے میں کھڑا کیا جائے گا، طاہر اشرفی

نون لیگ کا سیاسی بیانیہ ہوا میں اڑ گیا، حسان خاور

آغا سراج درانی کو عدالتی ریمانڈ پر جیل بھیج دیا گیا

اوگرا سوئی سدرن کی مشکوک صورتحال کا نوٹس لے، اپٹما نمائندہ

نئے چیئرمین نیب کی سمری ایوان صدر بھجوا دی گئی

قائد اعظم کے مجسمے پر نئی عینک نصب

کراچی کو دوبارہ دارالحکومت بنا دینا چاہئے، خرم شیر زمان

عرفان مہر کے قتل کیس سے متعلق اہم پیش رفت ہوئی ہے، تفتیشی ٹیم

پریانتھا قتل کیس، 26 ملزمان کا 15 روزہ ریمانڈ منظور

نیو کراچی میں مبینہ پولیس مقابلہ، 2 ڈاکو ہلاک

قائداعظم کے مجسمے سے عینک چوری، رپورٹ کمشنر ملتان کو ارسال

لاہور صرف نواز شریف کا ہے: حنا پرویز بٹ

آشیانہ ہاؤسنگ ریفرنس: سماعت 13 دسمبر تک ملتوی

پریانتھا کمارا قتل کیس ،26 مرکزی ملزمان ATC میں پیش