Categories
Breaking news

سیاسی رابطوں میں تیزی، ن لیگ اور جہانگیر ترین گروپ کا رابطہ

ملک میں سیاسی صورت حال کے پیش نظر رابطوں میں تیزی آگئی ہے، پاکستان تحریک انصاف ( پی ٹی آئی ) کے جہانگیر ترین اور مسلم لیگ ن کے درمیان رابطہ ہوا ہے۔

ذرائع کا کہنا ہے کہ آئندہ چند دنوں میں شہباز شریف کا جہانگیر ترین سے رابطہ ہونے کا امکان ہے، جبکہ شہباز شریف اور جہانگیر ترین کی ملاقات کا بھی امکان ہے۔

ذرائع کا کہنا ہے کہ شہباز شریف اور جہانگیر ترین کے خصوصی نمائندوں کا رابطہ ہوا ہے۔

ذرائع کا کہنا ہے کہ شہباز شریف کا جہانگیر ترین کے خصوصی نمائندوں کے ساتھ کچھ دن سے رابطہ جاری ہے۔

سیاسی درجہ حرارت بڑھ گیا، شہباز کے حکومتی اتحادیوں سے رابطے

ملک میں سیاسی درجہ حرارت بڑھنے لگا، حکومتی اتحادیوں سے اپوزیشن رہنماؤں کی ملاقاتوں اور رابطوں کے بعد چہ میگوئیاں تیز ہوگئیں۔

واضح رہے کہ گذشتہ روز شہباز شریف سے ایم کیو ایم پاکستان کے وفد نے ملاقات کی تھی جبکہ حمزہ شہباز نے خود آگے بڑھ کر مسلم لیگ ق کے مونس الہٰی کو فون کیا تھا۔

شہباز شریف نے حکومتی اتحادی جماعت ایم کیو ایم سے کہا کہ حکومت سے نکل جائیں اور ق لیگ سے کہا کہ آئیں ورکنگ ریلیشن شپ بہتر بنائیں۔

قومی خبریں سے مزید

Original Article

Leave a Reply

Your email address will not be published. Required fields are marked *