ملک میں سیاسی درجہ حرارت بڑھنے لگا، حکومتی اتحادیوں سے اپوزیشن رہنماؤں کی ملاقاتوں اور رابطوں کے بعد چہ میگوئیاں تیز ہوگئیں۔
شہباز شریف سے ایم کیو ایم پاکستان کے وفد نے ملاقات کی تو حمزہ شہباز نے خود آگے بڑھ کر مسلم لیگ ق کے مونس الہٰی کو فون کر ڈالا۔
سیاسی ہلچل بڑھ گئی، حکومت گرانے کے لیے اپوزیشن لیڈر شہباز شریف متحرک ہوگئے، حکومتی اتحادی جماعت ایم کیو ایم سے کہا کہ حکومت سے نکل جائیں اور قاف لیگ سے کہا کہ آئیں ورکنگ ریلیشن شپ بہتر بنائیں۔
یہ سب دیکھ کر ایف آئی اے والے شہباز شریف کے گھر پہنچ گئےاور کہا کہ منی لانڈرنگ اور شوگر ملز کیسز کی سماعت ہے، جمعرات کو عدالت آجائیں۔
سیاسی حلقے اس بات کو اہم کہہ رہے ہیں کہ قاف لیگ سے رابطہ ن لیگ والے کر رہے ہیں۔
حمزہ شہباز نے مونس الہٰی کو فون کیا جبکہ شہباز شریف کو توقع ہے کہ جمعرات کو بنفسِ نفیس چل کر چوہدری برادران سے ملنے جائیں گے تاکہ فضل الرحمان سے ملاقات سے پہلے ق لیگ کی رائے لے لیں۔
عامر خان کی قیادت میں ایم کیو ایم پاکستان کا وفد شہباز شریف سے ملا تو اپوزیشن لیڈر نے انہیں حکومتی اتحاد سے نکلنے کی دعوت دی۔
ایم کیو ایم نے منع نہیں کیا بلکہ کہا کہ پہلے رابطہ کمیٹی سے پوچھ لیں۔ فیصلہ ملکی مفاد میں کریں گے۔
شہباز شریف کو منی لانڈرنگ کیسز اور شوگر ملز کیس میں کورونا کے باعث حاضری سے استثنیٰ ملا ہوا ہے۔
ایف آئی اے کی ٹیم نے آج ان کے گھر جا کر سمن وصول کرائے، ساڑھے4 ہزار صفحات کا چالان دیا، عدالت پیشی کےلیے 10 فروری کی وہی تاریخ دی، جس دن ان کی چوہدری برادران سے ملاقات متوقع ہے۔
اسی دوران دوسری جانب حکومت کی دو اتحادی جماعتیں، ایم کیو ایم اور ق لیگ کی بیٹھک ہوئی۔
قائم مقام گورنر چوہدری پرویز الہٰی نے بیٹھک کے بعد کہا کہ عدم اعتماد ابھی دور ہے، ابھی تو باورچی خانے میں سامان اکٹھا ہورہا ہے، پکنا شروع نہیں ہوا، کیا کچا ہی کھالیں؟
عامر خان نے ایک سوال کے جواب میں کہا کہ ان کی سرگرمیاں حکومت میں اپنا حصہ بڑھانے کے لیے نہیں ہیں، اختیارات لےکر عوام کو دینا چاہتے ہیں۔
اسی دوران رہنما ق لیگ کے کامل علی آغا نے ایک گفتگو میں کہا ہے کہ چوہدری برادران سے ملاقات میں آصف علی زرداری نے اپنے ایجنڈے پر بات کی۔
انہوں نے مزید کہا کہ انہیں کہہ دیا گیا کہ آپ کے ایجنڈے کے ساتھ نہیں چل سکتے، اگلے الیکشن میں جو ریاست کہے گی وہی کریں گے۔
کامل علی آغا کے اس بیان کے بعد شہباز شریف چوہدری برادران ملاقات کا کیا نتیجہ نکلے گا؟ یہ وقت بتائے گا؟
قومی خبریں سے مزید
-
Table of Contents
جاوید لطیف کا تحریک عدم اعتماد کے نمبر پورے ہونے کا دعویٰ
مسلم لیگ (ن) کے سینئر رہنما جاوید لطیف نے تحریک عدم اعتماد کے نمبر پورے ہونے کا دعویٰ کردیا۔
-
اسٹیبلشمنٹ فی الحال نیوٹرل نظر نہیں آرہی، کامل علی آغا
مسلم لیگ ( ق ) سینیٹر کامل علی آغا نے کہا ہے کہ ہمارا معاہدہ سیاسی جماعت کے ساتھ نہیں ریاست سے ہے۔
-
پشاور پولیس نے خاتون اور شوہر کے نام کا سراغ لگالیا
پشاور پولیس نے علاج کےلیے آنے والی خاتون اور اس کے شوہر کے نام کا سراغ لگالیا۔
-
حکومتی کشتی سیاسی بھنور میں ہے، امیر جماعت اسلامی
اپنے بیان میں امیر جماعت اسلامی کا کہنا تھا کہ حکمران طبقہ بری طرح ایکسپوز ہو گیا ہے۔
-
سپریم کورٹ میں پیسکو صارفین سے فیول ایڈجسٹمنٹ وصولی روکنے کیخلاف اپیل
پشاور الیکٹرک کمپنی (پیسکو) کو فیول ایڈجسٹمنٹ کی وصولی سے روکنے کے فیصلے کے خلاف اپیل پر سپریم کورٹ میں سماعت ہوئی ہے۔
-
جعلی کورونا رپورٹس اسکینڈل، ایف آئی اے کا کریک ڈاؤن
وفاقی تحقیقات ادارے (ایف آئی اے) نے جعلی کورونا رپورٹس اسکینڈل میں کریک ڈاؤن کیا ہے ۔
-
فیصل آباد: شہریوں کے شہباز گل کی موجودگی میں شیر شیر کے نعرے
وزیراعظم عمران خان کے صحت کارڈ کے اجراء کے لیے کل کے فیصل آباد کے دورے سے قبل شہباز گل نے آگاہی ریلی نکالی۔
-
جیلوں میں غیر انسانی رویے کا ذمہ دارکون؟ وزارت انسانی حقوق ایک ماہ میں رپورٹ دے، اسلام آباد ہائی کورٹ
جیلوں میں انسانی حقوق کی خلاف ورزیوں کے کیس میں اسلام آباد ہائی کورٹ نے ریمارکس دیئے کہ کیوں نا غیرانسانی رویےکی وجہ سےقیدیوں کو معاوضہ دیا جائے؟
-
بلاول بھٹو تین روزہ دورے پر ملتان پہنچ گئے
پاکستان پیپلز پارٹی کے چیئرمین بلاول بھٹو زرداری 3 روزہ دورے پر ملتان پہنچ گئے۔
-
آزاد کشمیر: آبادی میں گھس آنے والے تیندوے کو مقامی افراد نے مارڈالا
آزاد کشمیر میں شکارکی تلاش میں آبادی میں گھس آنے والے تیندوے کو مقامی افراد نے مار ڈالا۔
-
سندھ میں کورونا کے 900 نئے کیسز رپورٹ، 21 مریضوں کا انتقال
وزیراعلیٰ سندھ سیدمراد علی شاہ نے کورونا وائرس کی صورتحال سے متعلق بیان میں کہا ہے کہ گزشتہ 24 گھنٹوں میں کورونا وائرس کے 10567نمونوں کی جانچ کی گئی۔ جس کے نتیجے میں کورونا وائرس کے مزید 900 نئے کیسز رپورٹ ہوئے۔ جبکہ گزشتہ 24 گھنٹوں میں مزید 21 اموات رپورٹ ہوئیں۔ اس طرح اموات کی مجموعی تعداد7927 ہوچکی ہے۔
-
امریکا کی پاکستان کو فائزر کی مزید 47 لاکھ خوراکیں عطیہ
امریکی سفارتخانے نے کہا کہ پاکستان کو مجموعی طور پر 5 کروڑ 21 لاکھ کورونا ویکیسن کی خوراکیں عطیہ کرچکے ہیں۔
-
حکومت گِرانے کی تحریک کا حصہ نہیں بنیں گے، مصطفیٰ کمال
پاک سرزمین پارٹی (پی ایس پی) سربراہ مصطفیٰ کمال نے حکومت گرانے کی تحریک کا حصہ نہ بننے کا اعلان کیا ہے۔
-
حجاب والی لڑکیوں کو اسکول میں داخل ہونے سے روکنا خوفناک ہے، ملالہ یوسف زئی
لڑکیوں کو حجاب میں اسکول جانے سے روکنا بہت ہی خوفناک ہے، ملالہ یوسفزئی
-
خاتون کے سر میں کیل ٹھوکنے کا واقعہ، ماہر نفسیات کی رائے
پشاور میں جعلی عامل کے کہنے پر خاتون کے سر میں کیل ٹھوکنے کے واقعے پر ماہر نفسیات کی رائے بھی سامنے آگئی۔
-
سکھر: میونسپل کارپوریشن کے احاطے میں بجلی کا کھمبا گرگیا، 4 سالہ بچی جاں بحق
اس حوالے سے ایڈمنسٹریٹر علی رضا کا کہنا تھا کہ کھمبا کمزور تھا، بنیاد پوری گل چکی ہے، جس کے باعث حادثہ پیش آیا۔