سپریم کورٹ کے حکم پر ایف آئی اے کی متروکہ وقف املاک میں بے ضابطگیوں کی تحقیقات

سپریم کورٹ کے حکم پر فیڈرل انویسٹی گیشن ایجنسی (ایف آئی اے) نے متروکہ وقف املاک میں بے ضابطگیوں کی تحقیقات کی۔

ایف آئی اے کے مطابق وفاقی دارالحکومت اسلام آباد کے سیکٹر ڈی 17 میں متروکہ وقف املاک بورڈ کی 35 کنال اراضی واگزار کرالی گئی۔

رپورٹ کے مطابق زمین کی مالیت 300 ملین ہے، جس پر چار دیواری میں پلاٹنگ کی گئی تھی۔

ایف آئی اے کے مطابق اسلام آباد کے سیکٹر ڈی 17 کی جائیداد کا قبضہ متروکہ وقف املاک بورڈ کے ڈپٹی ایڈمنسٹریٹر کے حوالے کردیا گیا۔

وفاقی تحقیقاتی ادارے نے چکوال میں 507 کنال زرعی زمین واگزار کرالی ہے۔

ایف آئی اے نے صرافہ بازار راولپنڈی میں گم شدہ زمین تلاش کی، جس پر غیر قانونی عمارت تعمیر تھی۔

ایف آئی اے کے مطابق عمارت کو راولپنڈی ایڈمنسٹریشن، متروکہ وقف املاک بورڈ افسران کے ہمراہ کارروائی میں سیل کردیا گیا۔

وفاقی تحقیقاتی ادارے کے مطابق ایف آئی اے اسلام آباد زون کی کارروائیوں میں 50 کروڑ سے زائد کی زمین واگزار کرالی گئی۔

ایف آئی اے کے مطابق قبضہ کرنے والے 4 افراد پر مقدمہ درج کرکے مزید کارروائی عمل میں لائی جارہی ہے۔

قومی خبریں سے مزید

امریکا میں پاکستانی سفارت خانے میں بھی فنڈز کی قلت