Categories
Breaking news

سول اور عسکری حکام کے بیک ڈور رابطے ، حکومت اور اپوزیشن کو کیا  آپشنز دیے گئے ہیں؟ نجی ٹی وی کا تہلکہ خیز دعویٰ

سول اور عسکری حکام کے بیک ڈور رابطے ، حکومت اور اپوزیشن کو کیا  آپشنز دیے گئے ہیں؟ نجی ٹی وی کا تہلکہ خیز دعویٰ

اسلام آباد (ڈیلی پاکستان آن لائن) نجی ٹی وی نے دعویٰ کیا ہے کہ سول اور عسکری حکام کے بیک ڈور رابطے شروع ہوگئے ہیں ، حکومت اور اپوزیشن کو ایسے آپشنز دیے گئے ہیں جو دونوں کیلئے قابلِ قبول ہوں اور فیس سیونگ فراہم کریں، اگر فریقین معاہدے پر رضا مند ہوجاتے ہیں تو عام انتخابات کرادیے جائیں گے۔

نجی ٹی وی ایکسپریس نیوز نے ذرائع کے حوالے سے دعویٰ کیا ہے کہ وزیر اعظم عمران خان کی عسکری حکام سے ملاقات جاری ہے ، سول اور عسکری حکام کے آئندہ عام انتخابات پر بیک ڈور رابطے شروع ہوگئے ہیں، حکومت اور اپوزیشن کو ایسے آپشنز دے دیے گئے ہیں جو دونوں کیلئے قابل قبول ہوں، عمران خان کب تک وزیر اعظم رہیں گے؟ اس پر بات چیت جاری ہے۔

اپوزیشن نے تین وزارتیں، گورنر سندھ کے عہدے سمیت ایم کیو ایم کو کیا کچھ آفر کیا ؟ اینکر عمران خان کا تہلکہ خیز دعویٰ

ذرائع کا کہنا ہے کہ اپوزیشن کے انتخابی اصلاحات پر اعتراضات دور کیے جائیں گے، حکومت اور اپوزیشن کو اس صورت حال سے نکلنے کیلئے فیس سیونگ فراہم کی جائے گی، ممکنہ فیس سیونگ معاہدے کے مطابق قومی اسمبلی اور چاروں صوبائی اسمبلیوں میں عام انتخابات کا اعلان کیا جائے گا۔ عام الیکشن کب کرانے ہیں اور عبوری حکومت کی مدت کتنی ہوگی؟ اس پر بات چیت جاری ہے۔ حزب اختلاف کے رضا مند ہونے تک کوئی چیز حتمی نہیں ہوگی، فریقین کے اتفاق کے بعد مکمل پیکج پارلیمنٹ میں لایا جائے گا، اتفاق نہ ہونے پر تحریک عدم اعتماد کا عمل آگے بڑھایا جائے گا۔

"پاکستان کو مبارک ہو" ایم کیو ایم سے معاملات طے پانے کے بعد بلاول کا پیغام

ذرائع کا مزید کہنا تھا کہ پیکج پر اتفاق کی صورت میں وزیر اعلیٰ پنجاب کی تبدیلی کا عمل بھی روکے جانے کا امکان ہے۔ اس معاہدے کے تحت حکومت اور اپوزیشن کو نیا انتخابی اصلاحاتی پیکج دیا جائے گاجو کہ فریقین کی رضا مندی سے پارلیمنٹ میں لایا جائے گا۔

مزید :

Breaking Newsاہم خبریںقومی

Original Article

Leave a Reply

Your email address will not be published.