سندھ میں جنوری کے 20 روز میں 248 افراد کورونا وائرس سے انتقال کرگئے، مجموعی طور پر وائرس کے مثبت آنے کی شرح 15.76 فیصد ریکارڈ کی گئی ہے۔

کراچی سمیت سندھ بھر میں کورونا وائرس لوگوں کو اپنا نشانہ بنارہا ہے محکمہ صحت سندھ کے اعدادوشمار کے مطابق سندھ میں جنوری کے 20 روز میں 248 افراد کورونا وائرس سے انتقال کرگئے۔

Table of Contents

x
Advertisement

محکمہ صحت کے مطابق 90 افراد گھروں میں 158 نجی اور سرکاری اسپتال میں جان کی باز ی ہار گئے، انتقال کرنے والوں میں 95 فیصد افراد کا تعلق کراچی سے ہے۔

مجموعی طور پروائرس کے مثبت آنے کی شرح 15.76 فیصد ریکارڈ کی گئی ہے، ڈاؤ یونی ورسٹی کی لیب کے سربراہ پروفیسر سعید خان کہتے ہیں کہ آئے دن ریلیوں، جلسے جلسوں سے وباء تیزی سے پھیل رہی ہے۔

دوسری جانب انتظامیہ کی ذمہ داری ہے کہ وہ عوامی مقامات پر ایس او پیز کا نفاذ کرائے لیکن ایسا ہوتا ہوا کم نظر آرہا ہے۔

ترجمان سندھ حکومت کہتے ہیں کہ جہاں جتنی آبادی ہے وہاں اس حساب سے کیسز آرہے ہیں، ویکسین کے سلسلے میں کچھ کہنا قبل از وقت ہے۔

ماہرین صحت عوام سے اپیل کررہے ہیں کہ کورونا وائرس سے بچنے کے لئے احتیاطی تدابیر اختیار کریں اور ماسک ضرورپہنیں کیونکہ ویکسین آنے تک یہی ویکسین ہے۔

قومی خبریں سے مزید