سندھ ہائیکورٹ کراچی میں ٹریفک قوانین کی خلاف ورزی پر برہم

فائل فوٹو

سندھ ہائی کورٹ نے کراچی میں ٹریفک قوانین کی خلاف ورزی پر برہمی کا اظہار کرتے ہوئے کہا کہ شہر میں جنگل کا قانون ہے۔

جسٹس ندیم اختر نے ڈی آئی جی ٹریفک سے سوال کیا کہ ہیوی ٹریفک سے متعلق عدالتوں کے احکامات کا علم ہے؟

ڈی آئی جی نے بتایا کہ رات 11 سے صبح 6 بجے تک ہیوی ٹریفک شہر میں جا سکتا ہے۔

ڈی آئی جی ٹریفک نے کہا کہ بڑی گاڑیوں پر جرمانے کی رقم بہت کم ہے، موٹرسائیکل کو بھی اتنا جرمانہ ہوتا ہے جتنا 32 وہیلر کو ہوتا ہے۔

جسٹس ندیم اختر نے ریمارکس دیتے ہوئے کہا کہ پولیس والی لائٹس اور فینسی نمبر پلیٹس کے خلاف کوئی کارروائی نہیں کی جا رہی۔

جسٹس ندیم اختر نے یہ بھی کہا کہ ایم این اے یا ایم پی ایز ہوں کسی کے دباؤ میں نہ آئیں، خلاف ورزی کرنے والوں کی گاڑیاں بند کریں۔

ڈی آئی جی ٹریفک نے قوانین کی خلاف ورزی پر مقدمہ درج کرانے کی یقین دہانی کرا دی۔

قومی خبریں سے مزید

عدالت کا نورمقدم کے قتل کے واقعے کی CCTV فوٹیج دیکھنے کا فیصلہ