Categories
Breaking news

سندھ کے لوگ آج ایک نئی سیاسی تاریخ رقم کرنے جارہے ہیں, سید ناصر حسین شاہ

Advertisement
سندھ کے لوگ آج ایک نئی سیاسی تاریخ رقم کرنے جارہے ہیں, سید ناصر حسین شاہ

صوبائی وزیراطلاعات سندھ سید ناصر حسین شاہ کہتے ہیں کہ حیدرآباد کا جلسہ تاریخی ہوگا جبکہ سندھ کے لوگ آج ایک نئی سیاسی تاریخ رقم کرنے جارہے ہیں۔

سید ناصر حسین شاہ نے اپنے ایک بیان میں کہا ہے کہ حیدرآباد شہید بھٹو اور ان کی بیٹی شہید محترمہ بینظیر بھٹو کے چاہنے والوں کا شہر ہے۔

Table of Contents

x
Advertisement

اُنہوں نے کہا کہ حیدرآباد بلاول بھٹو زرداری کے جیالوں کا شہر ہے، حیدرآباد کے شہری بلاول بھٹو سے امیدیں وابستہ کیے ہوئے ہیں۔

حیدر آباد میں PDM کا جلسہ، روٹ پلان جاری

حیدر آباد میں اپوزیشن اتحاد پاکستان ڈیموکریٹک موومنٹ (پی ڈی ایم) کے جلسے کے سلسلے میں ٹریفک پولیس نے روٹ پلان جاری کر دیا۔

سید ناصر حسین شاہ نے کہا کہ پی ڈی ایم کا حیدرآباد جلسہ کٹھ پتلیوں کے خلاف ریفرینڈم ہوگا، سندھ پاکستان کا معاشی حب ہے لیکن وفاقی حکومت نے ہمیشہ سندھ کو نظرانداز کیا ہے۔

اُن کا کہنا تھا کہ کبھی اپنے حصے کے جائز پیسے نہیں دیئے جاتے تو کبھی آرڈیننس کے ذریعے جزیرے ہتھیالئے جاتے ہیں۔

سید ناصر حسین شاہ نے یہ بھی کہا کہ مہنگائی کی ماری عوام آج اپنے احتجاج کے ذریعے سلیکٹیڈ حکمرانوں کے خلاف اپنی نفرت کا اظہار کریں گے۔

حیدر آباد جلسے کی میزبان پیپلز پارٹی ہے، شازیہ مری

مرکزی سیکرٹری اطلاعات پیپلزپارٹی پارلیمنٹیرینز شازیہ مری کا کہنا ہے کہ حیدر آباد میں پاکستان ڈیموکریٹک موومنٹ (پی ڈی ایم) جلسے کی میزبان پیپلز پارٹی ہے۔

اُنہوں نے کہا کہ خان صاحب نے نہ پچاس لاکھ گھر دیئے اور نہ ایک کروڑ نوکریاں دیں۔

سید ناصر حسین شاہ نے مزید کہا کہ حیدرآباد کے لوگ منتظر تھے کہ کب پیپلزپارٹی چیئرمین ان کے دلوں کی ترجمانی کرنے آرہے ہیں۔

واضح رہے کہ حیدرآباد میں اپوزیشن اتحاد پی ڈی ایم کے جلسے کی تیاریاں، مختلف مقامات پر استقبالیہ کیمپ قائم کردیے گئے۔

حیدرآباد: PDM کے جلسے کیلئے پنڈال سج گیا

اپوزیشن اتحاد پاکستان ڈیمو کریٹک موومنٹ (پی ڈی ایم) آج حیدر آباد میں سیاسی قوت کا مظاہرہ کر رہی ہے جس کے سلسلے میں تیاریاں مکمل کر لی گئیں۔

شاہراہوں، عمارتوں کو پارٹی جھنڈوں اور قائدین کی تصاویر سے سجادیا گیا۔

پیپلزپارٹی کی میزبانی میں آج ہونے والے جلسے سے بلاول بھٹو زرداری، مولانا فضل الرحمٰن اور دیگر قائدین خطاب کریں گے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *