Categories
Breaking news

سندھ پولیس کے 1241 اہلکاروں کی 3 ماہ کی فوجی ٹریننگ کا آغاز

سندھ پولیس کے 1241 اہلکاروں کی 3 ماہ کی فوجی ٹریننگ کا آغاز

سندھ پولیس کے 1241 اہلکاروں کی فوج سے 3 ماہ کی تربیت کا آغاز کر دیا گیا ہے۔

پولیس ٹریننگ سینٹر سعید آباد کے پرنسپل شوکت کھٹیان کے مطابق گزشتہ سال بھرتی ہونے والے پولیس اہلکار ٹریننگ سینٹر سعید آباد میں زیرِ تربیت ہیں۔

انہوں نے بتایا کہ ان اہلکاروں کی ابتدائی تربیت کے بعد انہیں چوکس، فعال اور پیشہ ورانہ مہارت سے لیس کرنے کے لیے رواں ہفتے پاکستان آرمی کے پاس ٹرانسفر کیا گیا ہے۔

کے پی پولیس میں ضم ہونیوالے سابقہ لیویز و خاصہ دار اہلکاروں کی تربیت جاری

خیبر پختون خوا پولیس میں ضم ہونے کے بعد قبائلی اضلاع باجوڑ، مہمند اور خیبر کے سابقہ لیویز اور خاصہ دار اہلکاروں کی تربیت کا عمل جاری ہے۔

شوکت کھٹیان کے مطابق 881 اہلکار پاک فوج کی پنوں عاقل چھاؤنی پہنچ چکے ہیں جبکہ 360 اہلکاروں کو پاکستان آرمی کی بدین چھاؤنی منتقل کر دیا گیا ہے۔

انہوں نے بتایا کہ ان اہلکاروں میں سے زیادہ تر کا تعلق کراچی پولیس رینج سے ہے جبکہ دیگر سندھ ریزرو پولیس، ریپڈ رسپانس فورس اور صوبے کے دیگر اضلاع سے بھی تعلق رکھتے ہیں۔

پولیس ٹریننگ سینٹر سعید آباد کے پرنسپل نے بتایا کہ صرف مرد پولیس اہلکاروں کو فوجی تربیت کے لیے منتخب کیا گیا ہے۔

سندھ بھر کے پولیس ٹریننگ سینٹر کھل گئے، 8322 ریکروٹس کی تربیت کا آغاز

کورونا وائرس کے باعث بند سندھ بھر کے پولیس ٹریننگ سینٹرز کھول دیئے گئے ہیں۔

ان کا کہنا ہے کہ آرمی کی تربیت کے دوران اہلکاروں کو ہتھیار پکڑنے، ہر قسم کا اسلحہ چلانے اور مختلف کارروائیوں کے دوران کمانڈو ایکشن سے متعلق تربیت دی جائے گی۔

شوکت کھٹیان نے مزید بتایا کہ زیرِ تربیت اہلکاروں کو ڈرل، ایکسر سائز اور دیگر عسکری معاملات کی ٹریننگ دی جا رہی ہے۔

انہوں نے یہ بھی بتایا ہے کہ ان اہلکاروں کی خصوصی اور پیشہ ورانہ تربیت مارچ کے آخری ہفتے میں ختم ہو جائے گی جس کے بعد یہ تمام اہلکار واپس پولیس ٹریننگ سینٹر سعید آباد میں مزید کورسز کے بعد اپنے اپنے اضلاع جوائن کریں گے۔

قومی خبریں سے مزید

Original Article

Leave a Reply

Your email address will not be published. Required fields are marked *