وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان کہا کہ گزشتہ 24 گھنٹوں کے دوران 11208 نمونوں کی جانچ کی گئی، جس کے نتیجے میں مزید 778 نئے کیسز سامنے آئے ہیں۔ جبکہ اس دوران کورونا سے 17مریض انتقال کرگئے۔

وزیراعلیٰ نے کہا کہ کورونا وائرس سے اموات کی مجموعی تعداد 3830 ہوگئی ہے، اور اب تک سندھ میں 598871 نمونوں کی جانچ کی جا چکی ہے۔ جس کے بعد اب تک 237308 کیسز سامنے آ چکے ہیں۔ گزشتہ 24 گھنٹوں کے دوران مزید 870 مریض صحتیاب ہو چکے ہیں۔ اس طرح صحتیاب افراد کی مجموعی تعداد215101 ہوچکی ہے۔

Table of Contents

x
Advertisement

انھوں نے کہا کہ اس وقت18377 مریض زیر علاج ہیں۔ جن میں سے 17407 گھروں پر، 12 آئسولیشن سینٹرز میں اور 958 مریض مختلف اسپتالوں میں زیر علاج ہیں۔ 869 مریضوں کی حالت تشویشناک بتائی گئی ہے، اور 88 مریض وینٹی لیٹرز پر ہیں۔

یہ بھی پڑھیے

وزیراعلیٰ نے کہا کہ 778 نئے کیسز میں سے597 کا تعلق کراچی سے ہے۔ جن میں ضلع شرقی 290، ضلع جنوبی 195، ضلع وسطی 68، ضلع کورنگی 17، ضلع ملیر 15 اور ضلع غربی میں 12 نئے کیسز سامنے آئے ہیں۔

صوبے کے دیگر اضلاع حیدرآباد41، میرپور خاص 20، جیکب آباد 12، شہید بینظیرآباد اور دادو 7 – 7، سانگھڑ 6، سکھر اور جامشورو 5 – 5، بدین 4، ٹنڈو محمد خان، ٹھٹہ اور گھوٹکی میں 3 – 3، کشمور، شکارپور اور سجاول میں 2 – 2 اور لاڑکانہ میں ایک کیس سامنے آیا ہے۔

قومی خبریں سے مزید