صوبہ سندھ میں گزشتہ 24 گھنٹوں کے دوران کورونا وائرس کے مزید 635 کیسز سامنے آئے ہیں جبکہ اس دوران 13مریض انتقال کرگئے۔

وزیر اعلی سندھ مراد علی شاہ نے صوبے میں کورونا صورتحال پر بیان میں بتایا گزشتہ 24 گھنٹوں کے دوران6041 نمونوں کی جانچ کی گئی جن میں 635 کیسز سامنے آئے جبکہ گزشتہ 24 گھنٹوں کے دوران صوبے میں کورونا سے 13مریض انتقال کرگئے۔ جس کے بعد کورونا وائرس سے اموات کی مجموعی تعداد 3888 ہوگئی ہے۔

انہوں نے بتایا کہ اب تک 2632545 نمونوں کی جانچ میں 240570 کیسز سامنے آ چکے ہیں۔

یہ بھی پڑھیے

وزیراعلیٰ سندھ نے کہا کہ گزشتہ 24 گھنٹوں کے دوران مزید 825 مریض صحتیاب ہوئے جس کے بعد کورونا سے ابتک صحت یاب مریضوں کی تعداد 218688ہوگئی، اس وقت 17994 مریض زیر علاج ہیں۔

انہوں نے مزید بتایا کہ صوبے میں نئے 635 کیسز میں سے491 کا تعلق کراچی سے ہے۔

Table of Contents