وزیراعلیٰ سندھ سید مراد علی شاہ نے کورونا وائرس کی صورتحال بیان کرتے ہوئے کہا ہے کہ گزشتہ 24 گھنٹوں میں 14مریض انتقال کرگئے جبکہ 538 نئے کیسز رپورٹ ہوئے اور 623 افراد صحتیاب ہوئے ہیں۔

وزیراعلیٰ سندھ نے کہا کہ گزشتہ 24 گھنٹوں میں 11015 نمونوں کی جانچ کی گئی جس کے نتیجے میں 538 نئے کیسز سامنے آئے ہیں جو کہ تشخیص کی شرح کا 4.8 فیصد ہے۔

Table of Contents

x
Advertisement

انہوں نے کہا کہ گزشتہ 24 گھنٹوں میں14 مریض انتقال کرگئے جس سے اموات کی مجموعی تعداد4171 ہوگئی ہے جوکہ اموات کی شرح کا 1.6 فیصد ہے۔

وزیراعلیٰ سندھ نے کہا کہ اب تک 2831299 نمونوں کی جانچ کی جا چکی ہے اور 252295 کیسز رپورٹ ہو چکے ہیں۔

انہوں نے کہا کہ گزشتہ 24 گھنٹوں میں مزید 623 مریض صحتیاب ہو چکے ہیں، جس سے صحتیاب افراد کی مجموعی تعداد 229215 ہوچکی ہے جو کہ بحالی کی شرح کا 91 فیصد ہے۔

مراد علی شاہ نے کہا کہ اس وقت 18909 مریض زیر علاج ہیں، جن میں سے 18339 گھروں میں، 9آئسولیشن سینٹرز میں اور561 مریض مختلف اسپتالوں میں زیر علاج ہیں۔

یہ بھی پڑھیے

انہوں نے کہا کہ518مریضوں کی حالت تشویشناک بتائی گئی ہے جن میں سے 66 مریض وینٹی لیٹرز پر ہیں۔

538 نئے کیسز میں سے263 کا تعلق کراچی سے ہے، جن میں ضلع شرقی 121، ضلع جنوبی 70، ضلع وسطی 39، ضلع غربی 15 ، کور نگی 11 اور ملیر سے 7 نئے کیسز رپورٹ ہوئے ہیں۔

اسی طرح حیدرآباد 54، میرپور خاص31، ٹھٹھہ 25، شہید بے نظیر آباد 22، دادو 20، بدین، مٹیاری، ٹنڈو الہیار اور جیکب آباد 11 ۔ 11، قمبر 10، جامشورو اور لاڑکانہ 9 ۔ 9، سجاول 5، عمر کوٹ 4، خیرپور اور شکارپور 3۔ 3، نوشہرو فیروز 2، گھوٹکی اور سکھر میں سے1۔ 1 نئے کیسز سامنے آئے ہیں۔

وزیراعلیٰ سندھ نے صوبے کے عوام پر زور دیتے ہوئے کہا کہ ایس او پیز پر عمل کریں اور محفوظ رہیں۔

قومی خبریں سے مزید