سندھ میں ڈاکوؤں کیخلاف بڑے آپریشن کا فیصلہ

ایس ایس پی گھوٹکی تنویر تنیو نے بتایا ہے کہ سندھ میں ڈاکوؤں کے خلاف بڑے آپریشن کا فیصلہ کر لیا گیا ہے۔

میڈیا سے گفتگو کرتے ہوئے ایس ایس پی گھوٹکی تنویر تنیو نے کہا کہ پولیس افسران کی شہادت کے بعد آپریشن کا فیصلہ کیا ہے۔

انہوں نے کہا کہ تازہ واقعات میں ایک ڈی ایس پی، 2 ایس ایچ او سمیت 6 اہلکار شہید ہو چکے ہیں۔

ایس ایس پی گھوٹکی نے کہا کہ ڈاکوؤں سے مقابلہ کرنے کے لیے جدید ٹیکنالوجی خریدی جا رہی ہے۔

ان کا مزید کہنا ہےکہ ڈاکوؤں کی نقل و حرکت کی مانیٹرنگ کے لیے ڈرون کیمرے بھی خریدے جا رہے ہیں۔

ایس ایس پی گھوٹکی تنویر تنیو نے یہ بھی بتایا ہے کہ مؤثر حکمتِ عملی کے ساتھ آپریشن سے ڈاکوؤں کا خاتمہ ہو جائے گا۔

اس موقع پر ڈی آئی جی سکھر رینج جاوید جسکانی نے کہا کہ ڈاکوؤں کے پاس جدید اسلحہ ہے۔

انہوں نے یہ بھی بتایا ہے کہ حساس ادارے بھی ڈاکوؤں کے خلاف آپریشن میں تعاون کر رہے ہیں۔

قومی خبریں سے مزید

اسلام آباد میں دھماکا امن سبوتاژ کرنے کی سازش ہے، عشرت العباد