Categories
Breaking news

سندھ میں مون سون کے چوتھے اسپیل کا آغاز

سندھ میں مون سون کے چوتھے اسپیل کا آغاز

سندھ میں مون سون کے چوتھے اسپیل کا آغاز حیدرآباد، میرپورخاص، بدین، عمرکوٹ اور گرد و نواح میں گرج چمک کے ساتھ بارش کے ساتھ ہوگیا۔

محکمہ موسمیات نے کراچی میں بھی آج سے بارش کی پیش گوئی کی ہے۔ شہر میں 8 اگست تک ہلکی اور درمیانی جبکہ 10 سے 15 اگست کے دوران تیز بارش کا امکان ہے۔

دوسری جانب چمن سمیت بلوچستان کے مختلف شہروں میں بھی بارش سے کئی علاقوں میں پانی بھر گیا۔ پی ڈی ایم اے نے آج رات سے مشرقی بلوچستان میں سیلابی صورتِ حال کی وارننگ جاری کردی ہے۔

بلوچستان میں سیلاب سے اموات 170 ہوگئیں

بلوچستان میں سیلاب سے مزید 4 اموات کے بعد مجموعی طور پر تعداد 170 ہوگئی ہے۔

محکمہ موسمیات کے مطابق 9 اگست تک کشمیر، اسلام آباد اور شمال مشرقی پنجاب میں بھی موسلا دھار بارش کا امکان ہے جبکہ لاہور، راولپنڈی، پشاور، فیصل آباد اور گوجرانوالہ کے نشیبی علاقوں میں پانی بھرنے کا خطرہ اور ندی نالوں میں طغیانی کا خدشہ ہے۔

قومی خبریں سے مزید

Original Article

Leave a Reply

Your email address will not be published.