سندھ ہائی کورٹ نے بلدیاتی انتخابات میں تاخیر کے خلاف درخواستوں کی سماعت کے دوران وکلاء کے دلائل سننے کے بعد فیصلہ محفوظ کر لیا۔
دورانِ سماعت آئی جی سندھ، الیکشن کمشنر سندھ، چیف سیکریٹری سندھ، امیرِ جماعتِ اسلامی کراچی حافظ نعیم الرحمٰن، ایم کیو ایم رہنماء وسیم اختر اور خواجہ اظہار الحسن عدالت میں پیش ہوئے۔
عدالت نے استفسار کیا کہ صوبائی الیکشن کمشنر کہاں ہیں؟
آئی جی سندھ نے نفری کی تعداد اور تعیناتی کی رپورٹ عدالت میں پیش کر دی۔
چیف جسٹس سندھ ہائی کورٹ نے سوال کیا کہ رینجرز کی رپورٹ کہاں ہے؟
جس کے بعد رینجرز کی رپورٹ بھی عدالت میں جمع کرا دی گئی۔
پی ٹی آئی کے وکیل نے عدالت سے استدعا کی کہ ہمیں پولیس اور رینجرز کے جواب کی کاپی فراہم کی جائے۔
چیف جسٹس سندھ ہائی کورٹ نے الیکشن کمشنر سندھ سے استفسار کیا کہ الیکشن کب کرائیں گے؟
الیکشن کمشنر سندھ نے جواب دیا کہ جی ہم الیکشن کرانے کو تیار ہیں۔
عدالت نے سوال کیا کہ سپریم کورٹ کے احکامات کی خلاف ورزی کر کے کیوں توہینِ عدالت کر رہے ہیں؟ ایک ساتھ الیکشن نہیں ہو سکتے تو مراحلہ وار کروائے جائیں۔
الیکشن کمشنر نے عدالت کو بتایا کہ دونوں ڈویژنز میں 13 سو 7 حساس پولنگ اسٹیشنز ہیں۔
عدالت نے استفسارکیا کہ حساس پولنگ اسٹیشنز کا کیا مطب ہے؟ کیا فورس تعینات نہیں ہو گی؟
الیکشن کمشنرسندھ نے کہا کہ الیکشن کرانے کو تیار ہیں، پولیس اور وزیرِ داخلہ سیکیورٹی فراہم کریں۔
چیف جسٹس نے استفسار کیا کہ کراچی ڈویژن میں کتنے دنوں میں الیکشن کرا دیں گے،آئندہ 15 دنوں میں الیکشن کرا دیں گے؟
عدالت نے آئی جی سندھ سے استفسار کیا کہ الیکشن کے لیے کتنی فورس فراہم کریں گے؟
آئی جی سندھ نے جواب دیا کہ جتنی فورس کہیں گے اتنی فراہم کر دی جائے گی؟
ایم کیو ایم کے وکیل نے عدالت کو بتایا کہ کل الیکشن کمیشن نے تمام اسٹیک ہولڈرز کو اسلام آباد طلب کیا ہے، ہم بھی اس سے متاثر ہوئے ہیں، جس وقت الیکشن کا اعلان ہوا الیکشن کمیشن کا کورم پورا نہیں تھا۔
چیف جسٹس نے ایم کیو ایم کے وکیل سے استفسار کیا کہ آپ چاہتے ہیں کہ الیکشن نہ ہوں ؟
ایم کیو ایم کے وکیل نے جواب دیا کہ جب الیکشن کا اعلان کیا گیا اس وقت الیکشن کمیشن کے اراکین کی تعداد پوری نہیں تھی، ہماری الیکشن کمیشن کے اختیارات اور فیصلے سے متعلق اہم درخواست زیرِ التواء ہے، الیکشن کمیشن نے نامکمل کورم کے باوجود اہم فیصلے کیے، یہ اقدام غیر قانونی اور بلا جواز ہے۔
عدالت نے ایم کیو ایم کے رہنما خواجہ اظہار الحسن کو بولنے سے روک دیا اور کہا کہ آپ دلائل دیں یا وکیل کو بات کرنے دیں، دونوں کو اجازت نہیں دے سکتے۔
ایم کیو ایم کے وکیل نے کہا کہ قوانین میں ترامیم کے لیے سلیکٹ کمیٹی بن چکی، ایم کیو ایم بھی کام کر رہی ہے۔
چیف جسٹس سندھ ہائی کورٹ نے استفسار کیا کہ آپ کا کہنا ہے کہ ترامیم سے پہلے الیکشن نہ ہوں؟
ایم کیو ایم کے وکیل نے کہا کہ چاہتے ہیں کہ سپریم کورٹ کے بلدیاتی اداروں کو بااختیار بنانے کے فیصلے پر عمل کیا جائے۔
عدالت نے چیف سیکریٹری اور آئی جی سندھ کو روسٹرم پر بلا لیا۔
آئی جی سندھ نے عدالت کو بتایا کہ ہمارے پاس مکمل فورس 1 لاکھ 18 ہزار ہے۔
چیف جسٹس سندھ ہائی کورٹ نے سوال کیا کہ دفاعی نمائش میں کتنی نفری ہے؟
آئی جی سندھ نے بتایا کہ ایکسپو سینٹر میں 3 ہزار نفری تعینات ہے۔
ایڈووکیٹ جنرل سندھ نے عدالت کو بتایا کہ دو اہم مسائل ہیں، جن کی وجہ سے پولیس اور رینجرز سیکیورٹی فراہم کرنے سے قاصر ہیں۔
جسٹس یوسف علی سعید نے سوال کیا کہ آپ کیا چاہتے ہیں؟ ہم ٹیوشن کلاسز کرائیں؟ کوچنگ بھی دیں؟
ایڈووکیٹ جنرل سندھ نے کہا کہ الیکشن کرانا الیکشن کمیشن کا کام ہے، صوبائی حکومت کا نہیں، ہم پہلے مرحلے کا الیکشن کرا چکے ہیں اب بھی کرانے کے لیے تیار ہیں، الیکشن کل کرا دیں تو ہم اس کے لیے بھی تیار ہیں، ہم نے زمینی حقائق بتا دیے، الیکشن کمیشن تمام فریقین اور زمینی حقائق کا جائزہ لے کر فیصلہ کرے، الیکشن کمیشن کے پاس آئینی اختیار ہے وہ خود فیصلہ کرے۔
عدالتِ عالیہ نے تمام فریقین کے وکلاء کے دلائل سننے کے بعد فیصلہ محفوظ کر لیا۔
قومی خبریں سے مزید
-
ملک میں چیزیں چھپ جاتی ہیں، سامنے نہیں آتیں: علی زیدی
پاکستان تحریکِ انصاف کے رہنما علی زیدی کا کہنا ہے کہ اس ملک میں چیزیں چھپ جاتی ہیں، سامنے نہیں آتیں۔
-
اسلام آباد پلوامہ تھوڑی ہے، یہاں لانگ مارچ آئیگا: بابر اعوان
پاکستان تحریکِ انصاف (پی ٹی آئی) کے رہنما بابر اعوان کا کہنا ہے کہ اسلام آباد پلوامہ تھوڑی ہے، یہاں لانگ مارچ آئے گا۔
-
عمران خان حملے پر چیف جسٹس جوڈیشل کمیشن تشکیل دیں، شاہ محمود قریشی
پاکستان تحریک انصاف (پی ٹی آئی) کے رہنما شاہ محمود قریشی کا کہنا ہے کہ عمران خان پر قاتلانہ حملے سے متعلق آج اپنی درخواست جمع کرائی ہے، ہم چیف جسٹس سے درخواست کر رہے ہیں کہ اس واقعے پر جوڈیشل کمیشن تشکیل دیں۔
-
مجھے صبح کے اندھیرے میں اٹھایا اور بے لباس کیا گیا: اعظم سواتی
پاکستان تحریکِ انصاف (پی ٹی آئی) کے سینیٹر اعظم سواتی کا کہنا ہے کہ مجھے صبح کے اندھیرے میں اٹھایا اور بے لباس کیا گیا۔
-
عمران خان نے سیاسی تاریخ کا سب سے بڑا یوٹرن لے لیا، شیری رحمٰن
وفاقی وزیر اور سینیٹر شیری رحمٰن نے عمران خان کے سائفر سے متعلق بیان پر ردعمل دیتے ہوئے کہا ہے کہ یوٹرن خان نے اپنی دوہری سیاسی تاریخ کا سب سے بڑا یوٹرن لے لیا۔
-
نواز شریف کو پاسپورٹ مل گیا، کلین چٹ نہیں ملی، شیخ رشید
سابق وفاقی وزیر شیخ رشید کا کہنا ہے کہ نواز شریف کا بھائی وزیرِ اعظم ہے اور سفارتی پاسپورٹ بھی مل چکا ہے مگر کلین چٹ نہیں ملی۔
-
عمران خان پر حملہ: PTI ارکانِ پارلیمان کی درخواستیں سپریم کورٹ رجسٹریز میں جمع
پی ٹی آئی کے ارکانِ پارلیمان نے چیئرمین پی ٹی آئی عمران خان پر حملے، اعظم سواتی کی مبینہ ویڈیو اور ارشد شریف کے قتل کی عدالتی تحقیقات کرانے کے درخواستیں سپریم کورٹ رجسٹریز میں جمع کرا دیں۔
-
امریکی سازش کا بیانیہ پس پشت ڈالنے سے بات ختم نہیں ہوگی، مریم اورنگزیب
مریم اورنگزیب نے کہا کہ آپ کو جواب دینا پڑے گا، جس بیانیہ پر پورے ملک میں انتشار اور جھوٹ پھیلایا
-
لانگ مارچ کیخلاف درخواست: ایڈووکیٹ جنرل پنجاب کو معاونت کیلئے نوٹس جاری
لاہور ہائی کورٹ نے تحریکِ انصاف کے لانگ مارچ اور مظاہروں کے خلاف درخواست پر سماعت کرتے ہوئے ایڈووکیٹ جنرل پنجاب کو معاونت کے لیے نوٹس جاری کر دیا۔
-
عمران خان کو دھمکی: عطاء و سائرہ تارڑ کی عبوری ضمانت میں توسیع
حافظ آباد میں چیئرمین پی ٹی آئی عمران خان کو دھمکیاں دینے کے کیس میں مسلم لیگ ن کے رہنما عطاء اللّٰہ تارڑ، سائرہ تارڑ اور محمد بخش تارڑ گوجرانوالہ کی انسدادِ دہشت گردی کی خصوصی عدالت میں پیش ہوئے۔
-
پی ٹی آئی کے دھرنے سے سڑکوں کی بندش، IG اسلام آباد سے رپورٹ طلب
اسلام آباد ہائی کورٹ نے پی ٹی آئی کے دھرنے کے باعث سڑکوں کی بندش کے خلاف درخواست پر آئی جی اسلام آباد سے رپورٹ طلب کر لی۔
-
قصور: حادثے میں اسسٹنٹ کمشنر پتوکی سمیت 2 افراد جاں بحق
پنجاب کے ضلع قصور میں پھولنگر بائی پاس پر 2 گاڑیاں ٹکرا گئیں۔
-
استنبول دھماکا: عمران خان کا ترک صدر سے اظہارِ یکجہتی
چیئرمین تحریکِ انصاف عمران خان کا ترکیہ کے شہر استنبول میں دھماکے میں ہونے والے جانی نقصان پر ترک صدر رجب طیب ایردوان اور عوام سے اظہارِ یکجہتی کیا ہے۔
-
وزیرِ اعظم شہباز شریف وطن واپس پہنچ گئے
وزیرِ اعظم پاکستان میاں محمد شہباز شریف برطانیہ سے وطن واپس پہنچ گئے۔
-
عمران خان کا فائنل میں شکست کے بعد قوم کیلئے خصوصی پیغام
چیئرمین پاکستان تحریکِ انصاف اور قومی کرکٹ ٹیم کے سابق کپتان عمران خان کا کہنا ہے کہ پاکستان کے پاس دنیا بہترین فاسٹ باؤلنگ اٹیک ہے۔
-
ملک کے مختلف علاقوں میں بارش اور برفباری
ملتان، بہاولپور، چیچہ وطنی، سرگودھا، گجرات، مری، دیربالا اور آزاد کشمیر کے مختلف علاقوں میں بھی بادل برسے۔