Categories
Breaking news

سلیم مانڈوی والا کی زیرصدارت اجلاس، نیب متاثرین پھٹ پڑے

Advertisement
سلیم مانڈوی والا کی زیرصدارت اجلاس، نیب متاثرین پھٹ پڑے

ڈپٹی چیئرمین سینیٹ سلیم مانڈوی والا کی زیرصدارت اجلاس میں ویڈیو لنک کے ذریعے کینیڈا، امریکا سے شریک نیب متاثرین پھٹ پڑے، کہا کہ ہم نےکوئی کرپشن نہیں کی نیب کیسز کی وجہ سے کاروبار تباہ ہوگئے۔

پارلیمنٹ ہاؤس میں ڈپٹی چیئرمین سینیٹ سلیم مانڈوی والا کی زیرصدارت اجلاس ہوا جس میں نیب متاثرین نے شرکت کی، اجلاس میں ویڈیو لنک کے ذریعے کینیڈا، امریکا سے بھی نیب متاثرین شریک ہوئے۔

Table of Contents

x
Advertisement

سلیم مانڈوی والا نے اجلاس میں کہا کہ نیب ایسا ادارہ بن گیا جو سمجھتا ہے ہم سے کوئی سوال نہیں کرسکتا، نیب پتہ نہیں کیوں سمجھتا ہے کہ وہ جوابدہ نہیں ہے۔

نیب کو لگام دینا پڑے گی، سلیم مانڈوی والا

سلیم مانڈوی والا نے کہا کہ خرم ہمایوں نے خود کشی کرلی ، نیب لوگوں کو اس جگہ پہنچا رہا ہے ، جہاں وہ خودکشی کرلیں ،یہ بہت سنجیدہ مسئلہ ہے ۔

انہوں نے کہا کہ چیئرمین نیب کہتے ہیں کہ کوئی مسئلہ ہے ہی نہیں، لوگ تو ملک چھوڑ کر جا ہی نہیں رہے،ا س موقع پر نیب متاثرین ڈپٹی چیئرمین سینیٹ سلیم مانڈوی والا کے سامنے پھٹ پڑے۔

اجلاس میں متاثرین نے موقف اپنایا کہ نیب کا ادارہ بغیر وجہ کے کیس بناتا ہے، ہم نےکوئی کرپشن نہیں کی، نیب کیسز کی وجہ سے کاروبار تباہ ہوگئے۔

یہ بھی پڑھیے

امریکا میں مقیم پاکستانی نے اجلاس میں بتایا کہ نیب نے ایسا کیس بنایا کہ میری خاندانی زمین کو آمدن سے زائد اثاثہ بنا دیا گیا،نیب ملتان میں میرے والد کے خلاف کیس دائر کیا گیا، میرے والد شدید علیل ہیں، پاکستان آکر نیب میں پیش نہیں ہوسکتے۔

نیب متاثرین کا کہنا تھا کہ یہ ہمارے ملک کیلئے افسوسناک صورتحال ہے، نیب کو عمران خان نے طاقتور بنایا لیکن عوام کو ریلیف نہیں ملا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *