Categories
Breaking news

سعودی وزیر خارجہ شہزادہ فیصل بن فرحان چین پہنچ گئے

سعودی وزیر خارجہ شہزادہ فیصل بن فرحان چین پہنچ گئےسعودی میڈیا کے مطابق سعودی وزیر خارجہ کی چینی ہم منصب سے ملاقات میں افغانستان میں امن و استحکام یقینی بنانے کے اقدامات پر بات چیت ہوئی، اور دونوں رہنماوں نے تمام شعبوں میں تعلقات مزید مضبوط بنانے پر بھی تبادلہ خیال کیا۔

سعودی وزیر خارجہ شہزادہ فیصل بن فرحان چین پہنچ گئے، جہاں انہوں نے چینی ہم منصب وینگ یی سے ملاقات کی۔

سعودی عرب اور مشرق وسطیٰ کی دیگر ریاستوں کے وزرائے خارجہ اس ہفتے دنیا کی دوسری سب سے بڑی معیشت، تیل کے معروف صارف اور غیر ملکی سرمایہ کاری کے ذرائع کے حکام سے ملاقاتوں کے لیے چین کا دورہ کر رہے ہیں۔

یہ بھی پڑھیں: افغان وزیر خارجہ ایران پہنچ گئے، باہمی امور پر تبادلہ خیال

ایرانی وزارت خارجہ کے ترجمان نے تہران میں کہا کہ ایران کے وزیر خارجہ حسین امیرعبداللہیان بھی اس ہفتے کے آخر میں چین روانہ ہوں گے۔

ترجمان کا کہنا تھا کہ ایران عالمی طاقتوں سے 2015 کے جوہری معاہدے کو بحال کرنے کے لیے مذاکرات کی رفتار سے مطمئن نہیں ہے، جو ویانا میں ہفتوں سے جاری ہے۔

ان کا کہنا تھا کہ وقت ہمارے لیے اہم ہے لیکن یہ ممکن نہیں کہ دوسری طرف کچھوے کی طرح حرکت کی جائے اور ہم روشنی کی رفتار سے چلیں۔

Leave a Reply

Your email address will not be published. Required fields are marked *