سعودیہ سے ملوث افراد کیخلاف کارروائی کی درخواست کر رہے ہیں: رانا ثناء اللّٰہ

وفاقی وزیرِ داخلہ رانا ثناء اللّٰہ کا کہنا ہے کہ سعودی حکام سے درخواست کرنے جار ہے ہیں کہ مسجدِ نبوی ﷺ میں پیش آنے والے واقعے میں ملوث افراد کے خلاف کارروائی کریں۔

پریس کانفرنس سے خطاب کرتے ہوئے وفاقی وزیرِ داخلہ رانا ثناء اللّٰہ نے کہا کہ سابق وزیرِ اعظم عمران خان اور سابق وزیرِ داخلہ شیخ رشید ریکارڈ پر ہیں، کیسے مسجدِ نبویﷺ کے واقعے کی منصوبہ بندی کی گئی، باقاعدہ طور پر کہا گیا کہ دیکھیے گا کل ان کے ساتھ کیا سلوک ہوتا ہے، چاہوں تو شیدا ٹلی کی ٹلی کھڑکائی جا سکتی ہے لیکن یہ مناسب نہیں۔

انہوں نے کہا کہ سو پچاس بندے جمع کر کے بھیج دینا اور کسی کو گالیاں دلوانا تو کوئی مشکل نہیں، بڑا آسان کام ہے، مگر اس سے سیاست مشکل ہو جائے گی، سیاست پھر کسی اور طرف نکل جائے گی، یہ پارلیمانی سسٹم کے لیے بہتر نہیں، ایسا کرنا پارلیمانی جمہوریت کے لیے بہتر ہے نہ ملک کے لیے۔

رانا ثناء اللّٰہ خان نے کہا کہ جمہوری روایات کے مطابق مقابلہ کریں، کسی کو حدود پار نہیں کرنے دیں گے، خان صاحب نفرتیں بانٹنے سے صرف تباہی ہوتی ہے، عمران خان کی سیاست جمہوری نہیں وہ فاشزم چاہتے ہیں، یہ کہتے ہیں کہ ہمارا گھروں سے نکلنا مشکل ہو جائے گا۔

ان کا کہنا ہے کہ ہم نے گھروں سے نکل کر تمام مقدمات اور ظلم کا سامنا کیا، ایک لمحہ بھی ہماری استقامت میں لغزش نہیں آئی، ہم نے تو گھروں سے نکل کر ان کے کیسز کا سامنا کیا ہے، ہمارے خلاف سزائے موت کے جھوٹے کیسز بنائے گئے، یہ غلط فہمی آپ کو کس نے ڈال دی کہ گھروں سے نکلنا مشکل ہو جائے گا، یہ غلط فہمی ہے کہ ہمارا گھروں سے نکلنا مشکل ہو جائے گا، آپ کا اپنا نکلنا مشکل ہو جائے گا۔

وزیرِ داخلہ نے کہا کہ مجھ پر بہت پریشر ہے، میں نے ہر بندے کو منع کیا، میں نے کہا کہ ہمارے کسی کارکن نے کوئی ایکشن لیا تو پارٹی ڈسپلن کا ایکشن ہو گا، جو یہاں کہتے رہے ہیں ان کو پتہ چل جائے گا، آپ ایک لمٹ تک رہیں ورنہ آپ کو بھی پتہ چل جائے گا، ہمارے حوصلے اور استقامت کا آپ نے 4 سال امتحان لیا ہے۔

انہوں نے کہا کہ ہمارا مقابلہ کرنا ہے تو جمہوری روایات کے مطابق کریں، جمہوری روایات کے مطابق مقابلہ کریں، لیکن لمٹس کو کراس نہ کریں، عمران نیازی کبھی کرپشن اسکینڈلز سے بچنے کے لیے سازش کا ڈرامہ رچاتے ہیں، کبھی عوام سے کہتے ہیں کہ آپ کی شادیاں نہیں ہوں گی، حالانکہ خود کی تو 65 سال کی عمر میں ہو گئی۔

رانا ثناء اللّٰہ نے یہ بھی کہا کہ ووٹ لینے کے لیے تو آپ نے بھی جانا ہے، اگر اس قسم کا ماحول پیدا کریں گے تو آپ کو بھی سامنا کرنا پڑے گا، ہماری طرف سے نہ پہلے کبھی پہل ہوئی نہ اب ہو گی، پہل کے بعد جب دوسرا تیسرا چوتھا مقام آتا ہے تو بہت پریشر ہوتا ہے، پھر مشکل ہو جاتا ہے۔

قومی خبریں سے مزید

Original Article

مسجدِ نبوی ؐ کا واقعہ عمران خان کے بدترین اختتام کا آغاز ہے: محسن داوڑ

جامعہ کراچی دھماکا: عمران خان کی چینی سفارتخانے آمد

جامعہ کراچی: چینی اساتذہ سے اظہار یکجہتی کیلئے طلبہ کا احتجاج

عمران خان سے اپیل ہے ردعمل میں احتیاط کریں، فواد چوہدری

عمران خان اور ان کے ساتھیوں نے مذہب کو سیاست کیلئے استعمال کیا: مریم نواز

پولیس تعاون نہیں کر رہی، نمرہ کاظمی کے والدین عدالت پہنچ گئے

قاسم خان سوری کی درخواست پر مقدمہ درج

زارا نور عباس بھی اپنے عید کے جوڑے کیلئے پریشان

آزاد کشمیر: نوجوان کو منگیتر نے جلا دیا

روضۂ رسولؐ والے واقعہ نے عمران خان کی اصلیت بے نقاب کردی ہے: شازیہ مری

وزیرِاعظم شہباز شریف سے ترک صدر کی ملاقات متوقع

جامعہ کراچی دھماکا: UN کی سلامتی کونسل کی مذمت

عیدالفطر پر تیز آندھی اور گرج چمک کیساتھ بارش کی پیشگوئی

صحیح حکمت عملی اپنائی جاتی تو لوڈشیڈنگ نہ ہوتی، سابق وزیر توانائی

مسجد نبویﷺ واقعے کے بعد عمران خان کا پہلا ٹوئٹ

بنی گالا میں دعائے شب کا اہتمام کیا گیا

ہمیں دین پر لیکچر دینے والے اپنے آپ کو بے نقاب کر چکے: ایمان مزاری

وزیرِ اعظم شہباز شریف کی روضۂ رسول ﷺ پر دوبارہ حاضری