سعد رفیق کی حاضری سے معافی کی درخواست منظور

لاہور کی احتساب عدالت نے پیراگون ہاؤسنگ سوسائٹی ریفرنس کی سماعت کے دوران مسلم لیگ نون کے رہنما خواجہ سعد رفیق کی حاضری سے معافی کی درخواست منظور کر لی۔

احتساب عدالت کے ایڈمن جج جواد الحسن نے کیس کی سماعت کی۔

Table of Contents

x
Advertisement

خواجہ سعد رفیق نے عدالت میں مؤقف اپنایا کہ لاک ڈاؤن اور کورونا وائرس کے خدشات کے باعث عدالت میں پیش نہیں ہو سکتا۔

عدالت نے سعد رفیق کی حاضری سے معافی کی درخواست منظور کرتے ہوئے خواجہ برادران کے خلاف کیس کی سماعت 21 اپریل تک ملتوی کر دی۔

عدالت نے آئندہ سماعت پر سب رجسٹرار عزیز بھٹی ٹاؤن اور قیصر امین بٹ کو شہادت کے لیے طلب کر لیا ہے۔

احتساب عدالت کے باہر سعد رفیق کے بھائی اور رہنما مسلم لیگ نون خواجہ سلمان رفیق نے میڈیا سے گفتگو کرتے ہوئے کہا کہ کورونا وائرس کی روک تھا کے لیے جو اقدامات کرنے چاہئیے تھے وہ حکومت نے نہیں کیے۔

انہوں نے یہ بھی کہا کہ سندھ حکومت بروقت اقدامات کر کے اپنے وسائل میں کورونا کی اس وبا سے نمٹ رہی ہے۔

قومی خبریں سے مزید