Categories
Breaking news

سری لنکن منیجر کو بچانے کی کوشش کرنیوالے حفاظتی تحویل میں

سری لنکن منیجر کو بچانے کی کوشش کرنیوالے حفاظتی تحویل میں

سیالکوٹ میں مشتعل افراد کے ہاتھوں ہلاک ہونے والے سری لنکن منیجر کو بچانے کی کوشش کرنے والے دونوں افراد کو پولیس نے اپنی حفاظتی تحویل میں لے لیا ہے۔

پولیس کے مطابق حفاظتی تحویل میں موجود دونوں افراد سے واقعے سے متعلق معلومات لی جا رہی ہیں۔

سیالکوٹ میں ہجوم کے ہاتھوں سری لنکن شہری کی ہلاکت کے حوالے سے پولیس کا مؤقف بھی سامنے آیا ہے جس میں پولیس کا کہنا ہے کہ واقعے کی اطلاع تب ملی جب ہجوم نے سڑک بلاک کی۔

سری لنکن منیجر کی پوسٹمارٹم رپورٹ آ گئی

گزشتہ روز سیالکوٹ میں سیکڑوں مشتعل افراد کے ہاتھوں ہلاک ہونے والے فیکٹری کے سری لنکن منیجر کی لاش کا پوسٹ مارٹم مکمل ہو گیا۔

سیالکوٹ پولیس کے مطابق ریسکیو کو پہلی کال جی ٹی روڈ بلاک ہونے کی ملی، جس شخص نے کال کی اس نے بتایا کہ فیکٹری میں کچھ ہنگامہ ہو رہا ہے۔

سیالکوٹ پولیس نے بتایا کہ پولیس اہلکار فیکٹری کا گیٹ پھلانگ کر اندر داخل ہوئے۔

پولیس نے بتایا کہ فیکٹری کے اندر موجود ہجوم فیکٹری کے مالک شہباز بھٹی کو بھی زد و کوب کر رہا تھا۔

یہ بھی پڑھیے

سیالکوٹ پولیس کا کہنا ہے کہ فیکٹری مالک کو مشکل سے ہجوم کے چنگل سے آزاد کرایا۔

پولیس نے مزید بتایا کہ باہر سے مزید افراد بھی بڑی تعداد میں دیواریں پھلانگ کر اندر داخل ہوگئے۔

سیالکوٹ پولیس نے یہ بھی بتایا کہ ہجوم نے مین گیٹ کھولا اور سری لنکن منیجر کی لاش سڑک پر لے گئے، جہاں انہوں نے مقتول کی لاش جلا دی۔

قومی خبریں سے مزید

Original Article

Leave a Reply

Your email address will not be published.