Categories
Breaking news

سرمائی اولمپکس میں شرکت میرے لیے اچھی چھٹیاں ثابت ہوں گی، وزیراعظم عمران خان

سرمائی اولمپکس میں شرکت میرے لیے اچھی چھٹیاں ثابت ہوں گی، وزیراعظم عمران خان

وزیراعظم عمران خان کا کہنا ہے کہ بیجنگ میں سرمائی اولمپکس میں شرکت میرے لیے اچھی چھٹیاں ثابت ہوں گی، سرمائی اولمپکس کی افتتاحی تقریب میں شرکت میرے لیے باعث مسرت ہے۔

چینی میڈیا کو انٹرویو دیتے ہوئے عمران خان نے کہا کہ بین الاقوامی کرکٹ میں زندگی کے 20 سال گزارے، وزیراعظم بننے کے بعد بھی کھیلوں میں دلچسپی ہے۔

وزیراعظم نے کہا کہ امید ہے نیا سال چین اور پوری دنیا میں امن اور ترقی لائے گا، مجھے کوئی کھیل دیکھنے کا موقع مشکل سے ہی ملتا ہے، ٹی وی پر دیکھنا بھی مشکل ہوتا ہے۔

عمران خان نے کہا کہ چین کے عوام کو نئے قمری سال کی مبارک باد دیتا ہوں، چین کا نیا قمری سال ٹائیگر کا ہے اور ٹائیگر میرا پسندیدہ جانور ہے۔

وزیراعظم نے کہا کہ امید کرتا ہوں کہ نیا سال چین اور دنیا بھر کیلئے امن اور خوشحالی لائے۔

قومی خبریں سے مزید

Original Article

Leave a Reply

Your email address will not be published.