نیب نے آغا سراج درانی کو گرفتار کرنے کی تیاری مکمل کرلی، آغا سراج درانی کو سپریم کورٹ کے احاطے سے نکلتے ہی گرفتار کرلیا جائے گا۔
اس سے قبل سپریم کورٹ آف پاکستان نے سندھ اسمبلی کے اسپیکر آغا سراج درانی کو قومی احتساب بیورو (نیب) کے سامنے سرینڈر کرنے کا حکم دیا تھا۔
جسٹس عمر عطاء بندیال کی سربراہی میں 3 رکنی بینچ نے کیس کی سماعت کی تھی۔
عدالتِ عظمیٰ نے اپنے حکم میں کہا تھا کہ اسپیکر سندھ اسمبلی آغا سراج درانی پہلے سندھ ہائی کورٹ کے حکم پر عمل کریں۔
Table of Contents
آغا سراج درانی و دیگر کی درخواست ضمانت پر تحریری فیصلہ
تحریری فیصلے میں کہا گیا ہے کہ نیب کا الزام ہے کہ آغا سراج درانی نے غیر قانونی آمدنی سے بچوں کے نام پراپرٹی خریدی ہے۔
سپریم کورٹ آف پاکستان کا کہنا تھا کہ آغا سراج درانی نیب کو گرفتاری دیں، ان کا کیس اگلے ہفتے سنیں گے۔
عدالتِ عظمیٰ نے اپنے فیصلے میں کہا تھا کہ سندھ ہائی کورٹ نے میرٹ پر آغا سراج درانی کی ضمانت منسوخ کی۔
سپریم کورٹ کے جسٹس منصور علی شاہ نے کہا تھا کہ ہائی کورٹ کے حکم پر عمل کے بغیر سپریم کورٹ اس معاملے پر سماعت نہیں کرے گی۔
جسٹس منصور علی شاہ نے آغا سراج کے وکیل سے کہا تھا کہ جب ہائی کورٹ نے ضمانت منسوخ کی تو آپ کے مؤکل کو جیل میں ہونا چاہیئے تھا، آغا سراج درانی نے گرفتاری کیوں نہیں دی؟ ہم آپ کو خصوصی رعایت کیوں دیں؟
جسٹس عمر عطاء بندیال نے آغا سراج کے وکیل عامر رضا نقوی سے کہا تھا کہ اب نیب کا نیا قانون آ چکا ہے، نئے قانون میں ضمانت کا فورم طے کیا جا چکا ہے، ایک مسئلہ ہے کہ آپ ہائی کورٹ کے فیصلے کے خلاف آئے ہیں۔
سراج درانی کے وکیل عامر رضا نقوی کا کہنا تھا کہ ہم نے آپ کے سامنے خود کو سرینڈر کر دیا ہے۔
جسٹس عمر عطاء بندیال نے کہا کہ نہیں نیب کے سامنے سرینڈر کریں، ہم نے پہلے بھی آپ کو رعایت دی تھی۔
سندھ ہائیکورٹ، آغا سراج درانی کی حفاظتی ضمانت منظور
کراچی (اسٹاف رپورٹر) سندھ ہائیکورٹ نے بے نظیر بھٹو…
جسٹس سجاد علی شاہ نے کہا کہ ہائی کورٹ کا فیصلہ آپ کے خلاف کھڑا ہے۔
اس موقع پر ایڈووکیٹ عامر رضا نقوی نے استدعا کی تھی کہ ہمیں ٹرائل کورٹ میں دوبارہ ضمانت کے لیے رجوع کرنے کی اجازت دی جائے، سپریم کورٹ کو اختیار حاصل ہے، عدالتِ عظمیٰ ہائی کورٹ کے فیصلے کو معطل کرے۔
جسٹس سجاد علی شاہ کا کہنا تھا کہ ہمیں اپنے اختیارات کا علم ہے، ہمیں پتہ ہے کہ کہاں اپنا اختیار استعمال کرنا ہے اور کہاں نہیں۔
وکیل نے کہا کہ بیانِ حلفی دے دیتے ہیں، سپریم کورٹ سے گرفتار نہ کیا جائے، خود سندھ میں گرفتاری دیں گے۔
جسٹس عمر عطاء بندیال نے کہا تھا کہ ہم نیب کے امور میں مداخلت نہیں کریں گے۔
نیب کے وکیل نے کہا تھا کہ ہماری ٹیم سراج درانی کے گھر 24 گھنٹے بیٹھی رہی، نیب کی ٹیم کو سراج درانی کے گھر میں داخل نہیں ہونے دیا گیا۔
جسٹس عمر عطاء بندیال نے کہا تھا کہ یہ نیب کا اپنا معاملہ ہے، ہم گرفتاری کے معاملے میں کوئی مداخلت نہیں کریں گے۔
یہ بھی پڑھیے
- آغا سراج درانی کو زمین کھا گئی یا آسمان نگل گیا؟
- نیب ٹیم آغا سراج درانی کو گرفتار کیے بغیر روانہ
- آغا سراج درانی کی گرفتاری کے لئے نیب ٹیموں کے چھاپے
سپریم کورٹ نے آغا سراج درانی کو احاطۂ عدالت سے گرفتار نہ کرنے کی استدعا مسترد کرتے ہوئے کیس کی سماعت آئندہ ہفتے تک ملتوی کر دی تھی۔
واضح رہے کہ آغا سراج درانی نے آمدن سے زائد اثاثہ جات کیس میں ضمانت کے لیے سپریم کورٹ سے رجوع کر رکھا ہے۔
اس سے قبل سندھ ہائی کورٹ نے اسپیکر سندھ اسمبلی آغا سراج درانی سمیت 11 ملزمان کی درخواستِ ضمانت مسترد کر دی تھی۔
نیب کی جانب سے الزام ہے کہ آغا سراج درانی نے غیر قانونی آمدنی سے بچوں کے نام پراپرٹی خریدی ہے۔
درخواستِ ضمانت مسترد ہونے کے بعد اسپیکر سندھ اسمبلی آغا سراج درانی کی گرفتاری کے لیے نیب کی ٹیموں نے چھاپے مارنا شروع کر دیے جبکہ آغا سراج اس دوران روپوش ہو گئے تھے۔
عدالت کے فیصلے پر آغا سراج نے کیا کہا؟
اسپیکر سندھ اسمبلی آغا سراج درانی نے سپریم کورٹ میں صحافیوں سے گفتگو کرتے ہوئے کہا کہ ہم قانون کی پیروی کرتے ہیں، ہماری قیادت نے ہمیں قانون کی پاسداری سکھائی ہے۔
ان کا کہنا ہے کہ ہائی کورٹ سے سپریم کورٹ ریلیف لینے کے لیے آئے ہیں، ہمیشہ مانتے آئے ہیں، عدالتوں میں پہلی بار نہیں آئے۔
اسپیکر سندھ اسمبلی آغا سراج درانی نے یہ بھی کہا کہ اسمبلی کا اجلاس نہیں بلا سکتا، اسمبلی اپنے طریقۂ کار سے چلتی ہے۔
ایک صحافی نے ان سے سوال کیا کہ آپ گرفتاری یہاں دیں گے یا سندھ جا کر دیں گے؟
آغا سراج درانی نے جواب دیا کہ عدالت سے باہر نکلیں گے تو پتہ چلے گا کہ کہاں سے گرفتار ہونا ہے۔
قومی خبریں سے مزید
-
رینجرز نے بھارتی سامبر پکڑ لیا
بھارت سے آنے والے سامبر (ہرن کی ایک نسل) کو رینجرز نے پکڑ کر محکمۂ جنگلی حیات کے سپرد کر دیا۔
-
فواد چوہدری کی اپوزیشن سے اپیل
وفاقی وزیرِ اطلاعات و نشریات فواد چوہدری نے اپیل کی ہے کہ اپوزیشن اپنے فیصلے پر نظرِ ثانی کرے اور سنجیدگی سے قومی سلامتی کمیٹی کے اجلاس میں شرکت کرے۔
-
’آپ گرفتاری یہاں دینگے؟‘ سراج درانی سے صحافی کا سوال
اسپیکر سندھ اسمبلی آغا سراج درانی نے سپریم کورٹ میں صحافیوں سے گفتگو کی اس موقع پر ایک صحافی نے ان سے سوال کیا کہ آپ گرفتاری یہاں دیں گے یا سندھ جا کر دیں گے؟
-
فواد چوہدری کے بعد اعظم سواتی نے بھی معافی مانگ لی
الیکشن کمیشن اورچیف الیکشن کمشنر سے متعلق نازیبا بیانات اور الزامات کے معاملے پر فواد چوہدری کے بعد اعظم سواتی نے بھی معافی مانگ لی۔
-
لاہور آج پھر دنیا کا آلودہ ترین شہر قرار
فضائی آلودگی کے حوالے سے مرتب کی گئی فہرست میں پاکستان نے مسلسل اپنی جگہ بنا لی ہے، لاہور آج پھر دنیا کے آلودہ ترین شہروں کی فہرست میں پہلے نمبر پر ہے۔
-
لاہور:اغوا کرنیوالی خاتون خود اغوا
لاہور کے علاقے شاد باغ سے اغوا کار خاتون اغوا ہوگئی، پولیس نے خاتون کو ٹریس کرکے 2 سال کے بچے کو بھی بازیاب کروالیا۔
-
ڈریپ میں بھی اصلاحات کا سلسلہ جاری ہے، ڈاکٹر فیصل سلطان
وزیراعظم کے معاون خصوصی ڈاکٹر فیصل سلطان کا کہنا ہے کہ ڈرگ ریگولیٹری اتھارٹی (ڈریپ) میں بھی اصلاحات کا سلسلہ جاری ہے، صحت کے شعبے کی کارکردگی کو مزید بہتر بنایا جا رہا ہے۔
-
سردی میں اضافہ، پنجاب، KPK میں دھند کے ڈیرے
ملک کے پہاڑی علاقوں میں سردی کی شدت بڑھتی جا رہی ہے، پنجاب اور خیبر پختون خوا کے میدانی علاقوں میں دھند کی وجہ سے ٹریفک کی روانی متاثر رہی۔
-
پاکستان: 895 کورونا مریضوں کی حالت تشویشناک
ملک بھر میں اسپتالوں، قرنطینہ سینٹرز، وینٹی لیٹرز اور گھروں میں کورونا وائرس کے 12 ہزار 114 مریض زیرِ علاج ہیں، جن میں سے 895 مریضوں کی حالت تشویش ناک ہے، جبکہ 12 لاکھ 45 ہزار 155 مریض اب تک اس بیماری سے شفایاب ہو چکے ہیں۔
-
سردیوں میں گیس فراہمی،گھریلو صارفین ترجیح ہونگے، کابینہ کمیٹی
کابینہ کی توانائی کمیٹی کو بتایا گیا کہ سردیوں میں گیس فراہمی میں گھریلو صارفین ترجیح ہونگے، سی این جی سیکٹر کو گیس فراہمی 15 فروری تک بند رکھی جائے گی جبکہ برآمدی شعبے سمیت کھاد کارخانوں اور آئی پی پیز کو بلا تعطل گیس فراہم کی جائے گی۔
-
کراچی: 3 سال سے مفرور منشیات کا سوداگر گرفتار
کراچی کے علاقے لیاقت آباد میں پولیس نے کارروائی کرتے ہوئے 3 سال سے مفرور منشیات کے سوداگر کو گرفتار کر لیا۔
-
نسلہ ٹاور گرانے کا کام 3 شفٹوں میں جاری
کراچی میں سپریم کورٹ آف پاکستان کے حکم پر رہائشی عمارت نسلہ ٹاور کو گرانے کا کام دن رات 3 شفٹوں میں جاری ہے۔
-
لودھراں: اشتہاری مجرم کا پیچھا کرنیوالے اہلکار کی ٹانگ کٹ کر الگ
لودھراں میں اشتہاری مجرم کا تعاقب کرنے والا پولیس اہلکار کاٹن فیکٹری کی کٹر مشین میں آ کر شدید زخمی ہو گیا، ٹانگ کٹ کر جسم سے علیحدہ ہو گئی۔
-
پاکستان نے مسئلہ کشمیر پھر اقوام متحدہ میں اٹھا دیا
اقوام متحدہ میں پاکستان کے مستقل مندوب منیر اکرم نے وزیر خارجہ کا خط صدر سلامتی کونسل کو پہنچا دیا۔
-
موٹروے مختلف مقامات پر دھند کے باعث بند
ملک کے مختلف شہروں میں دھندہے جس کے باعث صبح کے اوقات میں سفر کرنے والوں کو مشکلات کا سامنا ہے۔
-
پنجاب، نئے بلدیاتی قانون پر تحریک انصاف اور (ق) لیگ متفق ہوگئے
پنجاب کے نئے بلدیاتی قانون پر تحریک انصاف اور مسلم لیگ (ق) میں معاملات طے پاگئے اور دونوں جماعتوں کے درمیان کئی معاملات پر اتفاق ہوگیا۔