سب کو ایم کیو ایم کے دروازے پر آنا ہے، خواجہ اظہار الحسن

متحدہ قومی موومنٹ (ایم کیو ایم) پاکستان کے رہنما خواجہ اظہار الحسن نے کہا ہے کہ کچھ عرصہ پہلے چیئرمین پیپلز پارٹی بلاول بھٹو زرداری ہمیں دو وزارتیں دے رہے تھے، سب کو ایم کیو ایم کے دروازے پر آنا ہے۔

ان خیالات کا اظہار انھوں نے کراچی میں میڈیا سے گفتگو کرتے ہوئے کیا۔

Table of Contents

x
Advertisement

خواجہ اظہار الحسن کا کہنا تھا کہ پاکستان پیپلز پارٹی (پی پی پی) اور ن لیگ دونوں گیس اور بجلی بحران کے ذمہ دار ہیں۔

انھوں نے کہا کہ پیپلز پارٹی کے سر سندھ کو برباد کرنے کا سہرا ہے، انہوں نے کراچی اور لاڑکانہ کو موئن جو دڑو بنا دیا ہے۔

خواجہ اظہار الحسن کا کہنا تھا کہ آرٹیکل 158 کی بات کرتے ہیں تو رائیلٹی چھوڑ دیں۔

وفاقی حکومت کا دفاع کرتے ہوئے خواجہ اظہار الحسن نے پیپلز پارٹی کو مخاطب کرتے ہوئے کہا کہ ہم مانتے ہیں کہ مہنگائی ہے اور پریشانی ہے مگر آپ کیا کر رہے ہیں۔

رہنما ایم کیو ایم پاکستان کا کہنا تھا کہ کسی ایک وزیر نے یہ کہا کہ کرپشن ختم کرو؟

ان کا کہنا تھا کہ وفاق کا حصہ یاد ہے، مگر کیا یہ نوٹ جو آرہے ہیں اس پر عوام کا حصہ نہیں؟