Categories
Breaking news

ساکران کا بدنام اسمگلر ولی رند منگھو پیر سے گرفتار

منگھوپیر کراچی سے گرفتار ہونے والا  بدنام اسمگلر ولی رند
منگھوپیر کراچی سے گرفتار ہونے والا بدنام اسمگلر ولی رند

صوبۂ بلوچستان کے ضلع لسبیلہ کی یونین کونسل ساکران کے علاقے چیکو باغ کے بدنام اسمگلر ولی رند کو کراچی کے علاقے منگھو پیر سے گرفتار کر لیا گیا۔

ایس ایس پی ویسٹ سہائی عزیز کا کہنا ہے کہ ملزم ولی رند پولیس کو متعدد کیسز میں مطلوب ہے۔

اسمگلر ولی رند کے قبضے سے برآمد ہونے والی کار اور آوان بم
اسمگلر ولی رند کے قبضے سے برآمد ہونے والی کار اور آوان بم

ان کا کہنا ہے کہ ملزم چیکو باغ میں کراچی کی مسروقہ موٹر سائیکلیں اور کاریں خریدتا تھا۔

ایس ایس پی ویسٹ نے بتایا کہ چیکو باغ میں مزید جرائم پیشہ افراد بھی موجود ہیں۔

ملزم ولی رند کے خلاف درج کی گئی ایف آئی آر کا عکس
ملزم ولی رند کے خلاف درج کی گئی ایف آئی آر کا عکس

انہوں نے بتایا کہ ملزم ولی رند کراچی کے لیے ملزمان کو منشیات بھی سپلائی کرتا ہے۔

کراچی: 3 سال سے مفرور منشیات کا سوداگر گرفتار

کراچی کے علاقے لیاقت آباد میں پولیس نے کارروائی کرتے ہوئے 3 سال سے مفرور منشیات کے سوداگر کو گرفتار کر لیا۔

ایس ایس پی سہائی عزیز کا کہنا ہے کہ ملزم ولی رند ڈیزل اور چھالیہ کی اسمگلنگ میں بھی ملوث ہے۔

انہوں نے مزید بتایا کہ گرفتار ملزم ولی رند کے قبضے سے 5 کلو چرس اور آوان بم برآمد کیئے گئے ہیں۔

ایس ایس پی ویسٹ نے یہ بھی بتایا کہ ملزم کی زیرِ استعمال کار کو بھی تحویل میں لے لیا گیا ہے۔

قومی خبریں سے مزید

Original Article

Leave a Reply

Your email address will not be published.