Categories
Breaking news

سال نو پر PTI کو عوام کی خوشی برداشت نہیں ہوئی، شہبازشریف

فائل فوٹو
فائل فوٹو

مسلم لیگ نون کے صدر اور اپوزیشن لیڈر شہباز شریف نے سال نو پر پیٹرولیم مصنوعات کی قیمتوں میں اضافے کی مذمت کرتے ہوئے کہا ہے کہ پاکستان تحریک انصاف (پی ٹی آئی) حکومت کو عوام کی سال نو پر خوشی بھی برداشت نہیں ہوئی۔

شہباز شریف نے ایک بیان میں کہا کہ نئے سال پر پیٹرول بم پھینکنے سے بہتر تھا کہ عمران نیازی استعفیٰ دے دیتے، دنیا میں حکومتیں خوشی کے تہواروں پر اشیاء سستی کرتی ہیں جبکہ عمران نیازی نے مہنگائی کا بم گرا دیا ہے۔

حکومت نے پٹرولیم مصنوعات کی قیمتوں میں اضافہ کردیا

حکومت نے نئے سال 2022 کے پہلے دن ہی عوام پر پٹرولیم بم گرادیا۔

انہوں نے کہا کہ موجودہ حکومت کا دوسر ا نام ظلم، استحصال اور بے حسی ہے، عوام کو زندہ درگور کرنے کے بجائے عمران نیازی مستعفی ہوجائیں۔

ان کا کہنا تھا کہ عمران نیازی اپنی حماقتوں کی سزا قوم کو نہ دیں، نئے سال میں قوم کو مہنگائی، معاشی تباہی، بےروزگاری سے بچانے کے لئے ظالم حکومت سے نجات پانا ہوگی۔

وزیراعظم نے پٹرولیم مصنوعات کی قیمتوں میں اضافے کی اوگرا تجاویز مسترد کیں، وزارت خزانہ

وزیراعظم عمران خان نے آئل اینڈ گیس ریگولیٹری اتھارٹی (اوگرا) کی پٹرولیم مصنوعات کی قیمتوں میں اضافے کی تجویز مسترد کردی۔

نون لیگ کے صدر شہباز شریف کا یہ بھی کہنا تھا کہ دعا ہے کہ نیا سال عذابوں سے نجات کی شروعات کا سال بن جائے۔

قومی خبریں سے مزید

Original Article

Leave a Reply

Your email address will not be published. Required fields are marked *