Categories
Breaking news

سابق چیئرمین ایف بی آر شبر زیدی نے استعفےکا سبب بتادیا

Advertisement

سابق چیئرمین فیڈرل بورڈ آف ریونیو (ایف بی آر) شبر زیدی نے اپنے استعفیٰ سے متعلق لب کھول دیے۔

جنگ میڈیا گروپ کے پروگرام میں اظہار خیال کرتے ہوئے شبر زیدی نے انکشاف کیا کہ ایف بی آر سے متعلق میری تجویز کی ارباب شہزاد اور عشرت حسین نے مخالفت کی۔

انہوں نے کہا کہ میں نے ایف بی آر کو پاکستان ریونیو سروس میں بدلنے کا کہا، میری بات نہ مانی گئی تو میں نے چیئرمین شپ سے استعفیٰ دیدیا۔

اُن کا کہنا تھا کہ میں نے وزیراعظم کو تجویز دی گئی کہ ایف بی آر کو پاکستان ریونیو سروس میں تبدیل کردیں۔

شبر زیدی نے کہا کہ پاکستان ریونیو سروس بنانے کی بیورو کریٹ ارباب شہزاد اور عشرت حسین نے مخالفت کی۔

انہوں نے انکشاف کیا کہ میں نے وزیراعظم عمران سے کہا کہ پرچون فروشوں پر سیلز ٹیکس عائد کردیں، مجھ سے کہا گیا کہ وہ ہڑتال کردیں گے۔

سابق چیئرمین ایف بی آر نے مزید کہا کہ میں نے وزیراعظم سے کہا کہ پرچون فروش ہڑتال کرتے ہیں تو کرنے دیں یہ 20 دن بعد ٹیکس ضرور دیں گے۔

اُن کا کہنا تھا کہ اُن دنوں فضل الرحمٰن کا دھرنا چل رہا تھا، حکومت نے ہڑتال نہیں ہونے دی اور تاجروں کی بات مان لی۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *