Categories
Breaking news

زیادہ کورونا کیسز والے اضلاع میں خصوصی احتیاطی مہم چلائی جائے، محمود خان

کورونا وائرس، زیادہ کیسز والے اضلاع میں خصوصی احتیاطی مہم چلائی جائے، محمود خان

وزیر اعلیٰ خیبر پختونخوا محمود خان نے کورونا وائرس کے زیادہ کیسز والے اضلاع میں ایس او پیز پر عملدرآمد کے لیے خصوصی مہم چلانے کی ہدایت کردی۔

وزیر اعلیٰ خیبر پختونخوا محمود خان کی زیر صدارت اجلاس میں صوبائی وزیر صحت اور چیف سیکریٹری سمیت محکمہ صحت کے حکام نے شرکت کی۔

اس موقع پر وزیر اعلیٰ کو بریفنگ میں کورونا کیسز کی شرح، اسپتالوں کی استعداد کار خصوصاً بڑے اسپتالوں میں آکسیجن کے حوالے سے بتایا گیا۔ وزیر اعلیٰ کو بتایا گیا کہ فی الوقت صوبہ کے بڑے اسپتالوں میں آکسیجن کی قلت کا کوئی مسئلہ درپیش نہیں۔

بریفنگ میں بتایا گیا کہ اسپتالوں میں کورونا مریضوں کے لئے بیڈز کی تعداد میں خاطر خواہ اضافہ کیا گیا ہے اور مزید اضافہ جاری ہے۔ جبکہ گذشتہ چند ہفتوں میں صوبہ کے بڑے اسپتالوں میں 29 آئی سی یو، 257 ایچ ڈی یو اور 272 لو فلو بیڈز کا اضافہ کیا گیا ہے اور بڑے اسپتالوں میں مزید 116 آئی سی یو بیڈز، 398 ایچ ڈی یو بیڈز اور 840 لو فلو بیڈز کا اضافہ کیا جا رہا ہے۔

یہ بھی پڑھیے

بریفنگ میں بتایا گیا کہ صوبے میں کورونا کے مثبت کیسز کی مجموعی شرح 15.4 فیصد ہے جبکہ گذشتہ روز صوبہ بھر میں 8 ہزار سے زائد کورونا ٹیسٹ کئے گئے جس کے مطابق ایک ہفتے میں ضلع بونیر میں مثبت کیسز کی شرح 26 فیصد، پشاور میں 23 فیصد، نوشہرہ میں 20 فیصد، مردان میں 21 فیصد اور بونیر میں 25 فیصد رہی۔

قومی خبریں سے مزید

Original Article

Leave a Reply

Your email address will not be published. Required fields are marked *