Categories
Breaking news

رضوان کی شاندار سنچری کی بدولت پاکستان نے جنوبی افریقہ کو ہرا دیا

Advertisement

پہلے ٹی ٹوئنٹی میں پاکستان نے جنوبی افریقا کو 3 رنز سے شکست دے دی

پہلے ٹی ٹوئنٹی میں پاکستان نے جنوبی افریقا کو 3 رنز سے شکست دیکر 3 میچوں کی سیریز میں 1-0 کی برتری حاصل کرلی ہے۔

لاہور میں کھیلے گئے 3 ٹی ٹوئنٹی میچوں کی سیریز کے پہلے میچ میں پاکستان نے جنوبی افریقا کو جیت کے لیے 170 رنز کا ہدف دیا جس کے جواب میں جنوبی افریقا کی جانب سے اننگز کا آغاز جینمن ملن اور ریزا ہینڈرکس نے کیا، دونوں اوپنرز نے 53 رنز کی شراکت قائم کی تاہم 44 کے انفرادی اسکور پر جینمن ملن عثمان قادر کی گیند پر بولڈ ہوگئے جب کہ کچھ ہی دیر بعد عثمان قادر نے جیکوس سینائمن کو بھی پویلین بھیج دیا۔

اوپنر ریزا ہینڈرکس نے قومی ٹیم کے خلاف مزاحمت کی کوشش کی اور 54 رنز بنائے تاہم انہیں محمد رضوان نے رن آؤٹ کردیا جس کے بعد جنوبی افریقا کا کوئی بھی کھلاڑی قومی ٹیم کی بولنگ کے آگے کھڑا نہ ہوسکا اور مقررہ 20 اوورز میں مہمان ٹیم 6 وکٹوں کے نقصان پر 166 رنز بناسکی۔

Advertisement

اس سے قبل جنوبی افریقا نے پاکستان کے خلاف ٹاس جیت کر پہلے بولنگ کا فیصلہ کیا تو قومی ٹیم کی جانب سے اننگز کا آغاز محمد رضوان اور بابراعظم نے کیا تاہم صرف ایک رن پر بابراعظم رن آؤٹ ہوگئے۔

کپتان کے آؤٹ ہونے کے بعد محمد رضوان نے ٹیم کو سنبھالا اور جارحانہ انداز اپناتے ہوئے صرف 64 گیندوں پر سنچری مکمل کی، محمد رضوان نے سات چھکوں اور 6 چوکوں کی مدد سے 104 رنز کی ناقابل شکست اننگز کھیلی جس کی بدولت قومی ٹیم نے مقررہ 20 اوورز میں 6 وکٹوں کے نقصان پر 169 رنز بنائے۔

دوسری جانب محمد رضوان پاکستان کی طرف سے ٹی 20 میچ کی ایک اننگز میں سب سے زیادہ چھکے لگانے والے اور تینوں فارمیٹ میں سنچری بنانے والے دوسرے پاکستانی بن گئے۔

Advertisement

Leave a Reply

Your email address will not be published. Required fields are marked *