رسولؐ نے راستے بند کرنے کے عمل کو شیطانی قرار دیا: جسٹس قاضی فائز عیسیٰ

جسٹس قاضی فائز عیسیٰ—فائل فوٹو

سڑکوں اور راستوں کی بندش پر سپریم کورٹ کے سینئر جج جسٹس قاضی فائز عیسیٰ کا کہنا ہے کہ رسول اللّٰہ صلی اللّٰہ علیہ وسلم نے راستے بند کرنے کے عمل کو شیطانی قرار دیا ہے۔

اسلام آباد سے جاری کیے گئے بیان میں ان کا کہنا ہے کہ عدالتِ عظمیٰ نے سڑکوں کی بندش سے بنیادی حقوق کی پامالی پر فیصلے دیے ہیں، جن میں واضح ہے کہ اجازت کے بغیر سڑکوں پر اجتماعات نہیں ہو سکتے، دوسروں کے بنیادی حقوق متاثر کر کے آزادیٔ اظہار کا حق استعمال نہیں کیا جاسکتا، سڑک کو غیر معینہ مدت تک جمع ہونے کے لیے استعمال نہیں کیا جا سکتا۔

جسٹس قاضی فائز عیسیٰ نے کہا کہ جو مظاہرین لوگوں کے سڑکیں استعمال کرنے کے حق میں رکاوٹ ڈالیں ان کو قانون کے تحت جوابدہ ٹھہرانا لازمی ہے، ریاست کی صرف یہ ذمے داری نہیں کہ وہ مظاہرین کے اجتماع کو آسان بنائے، آئینی اور سرکاری عہدے داروں کا تحفظ کرے، ریاست کی اولین اور بنیادی ذمے داری ہے کہ ہر شہری کے بنیادی حقوق کا تحفظ کرے۔

انہوں نے کہا کہ تکریم اور نقل و حرکت کی آزادی ہر شہری کے بنیادی آئینی حقوق ہیں، 8 نومبر کی صبح عدالت جا رہا تھا تو تمام ٹریفک روکا گیا، دریافت کرنے پر بتایا گیا کہ صدر صاحب کے لیے روٹ لگایا گیا ہے، سیکڑوں گاڑیاں روکی گئی تھیں جن میں ہزاروں افراد تھے، صبح کے وقت لوگ اسپتال یا ضروری کاموں کے لیے جا رہے ہوں گے۔

جسٹس قاضی فائز عیسیٰ کا کہنا ہے کہ یہ دیکھ کر انتہائی افسوس ہوا کہ ایسا اسلامی جمہوریہ پاکستان میں ہو رہا ہے، آئینِ پاکستان میں سب سے پہلے اللّٰہ تعالیٰ کی حکمرانی کا اقرار کیا جاتا ہے، قائدِ اعظم نے کہا تھا کہ ہماری ریاست ہونے کا مطلب یہ ہے جس میں ہم آزاد لوگوں کی طرح جی سکیں، ایسی ریاست جہاں اسلامی سماجی عدل کے اصولوں پر آزادی سے عمل ہو۔

ان کا کہنا ہے کہ عدالتِ عظمیٰ سے شام کو معمول کے مطابق پیدل گھر کی طرف روانہ ہوا، درجن بھر سرکاری ملازمین احتجاج کر رہے تھے، سڑک بند کر دی گئی تھی، سڑک کی دوسری جانب دو طرفہ بنا دیا گیا تھا، جس پر سرکاری نمبر والی گاڑیوں کی اکثریت تھیں، گاڑیاں دونوں اطراف پیلی لکیروں پر پارک کی گئی تھیں جہاں پارکنگ ممنوع ہے۔

سپریم کورٹ کے سینئر جج نے بتایا کہ شہری کی حیثیت سے موقع پر موجود ڈی آئی جی آپریشنز اور ڈی سی سے دریافت کیا، پوچھا انہوں نے اپنی اور دوسروں کی گاڑیوں کو غیر قانونی طور پر کیوں پارک کیا ہے؟ غیر قانونی پارکنگ کی وجہ سے عوام الناس کی نقل و حرکت میں مزید دشواری پیش آ رہی ہے۔

انہوں نے کہا کہ عدالتِ عظمیٰ کے فیصلے میں کہا گیا ہے کہ سڑکوں کی بندش سے شہریوں کا حقِ نقل و حرکت معطل ہو جاتا ہے، گالی، دھمکی دینے سے باعزت زندگی کا حق آرٹیکل 14 بے معنی ہو جاتا ہے، املاک کو نقصان پہنچایا جاتا ہے تو آرٹیکل 18اور 23 کا نفاذ لازم ہے۔

جسٹس قاضی فائز عیسیٰ نے کہا کہ فیصلے میں کہا گیا ہے کہ اجازت کے بغیر سڑکوں پر اجتماعات نہیں ہو سکتے، سڑک کو غیر معینہ مدت تک جمع ہونے کے لیے استعمال نہیں کیا جا سکتا، شہریوں اور سیاسی جماعت کو اجتماع و احتجاج کا حق ہے، مگر یہ سب پرامن اور قانونی حدود میں ہو۔

ان کا مزید کہنا ہے کہ جو مظاہرین لوگوں کے سڑکوں کے استعمال کرنے کے حق میں رکاوٹ ڈالیں ان کو قانون کے تحت جوابدہ ٹھہرانا لازمی ہے، آئینِ پاکستان شہریوں کے بنیادی حقوق کا تحفظ یقینی بناتا ہے، آرٹیکل 5 کے تحت ہر شہری پر آئین اور قانون پر عمل کرنے کی ذمے داری عائد کرتا ہے۔

سپریم کورٹ کے سینئر جج جسٹس قاضی فائز عیسیٰ کا یہ بھی کہنا ہے کہ ریاست کی اولین اور بنیادی ذمے داری ہے کہ ہر شہری کے بنیادی حقوق کا تحفظ کرے، ملک شہریوں کے خون پسینے کی کمائی سے حاصل ٹیکس کی رقم سے چلتا ہے، قرآن مجید کی آیت ہے کہ ’’رحمٰن کے بندے وہ ہیں جو زمین پر عاجزی اور انکساری سے چلتے ہیں‘‘۔

قومی خبریں سے مزید

Original Article

راولپنڈی: PTI کے احتجاج کا تیسرا دن، سڑکیں بند، شہری پریشان

دادو: اسکولوں میں پانی جمع، تعلیمی سلسلہ خطرے میں پڑگیا

‏ارشد شریف پر تشدد کی شہادتیں انتہائی قابل مذمت ہیں، فواد چودھری

لانگ مارچ کی ڈرون اور CCTV کیمروں سے نگرانی کی جائیگی، وزیراعلیٰ

حقیقی آزادی کی تحریک پاکستانیوں کیلئے ہے، عمران خان

ن لیگی رہنما امتیاز باگڑی کو وزیرآباد پولیس نے حراست میں لے لیا

عمران خان پر حملے میں استعمال اسلحے اور گولیوں کے خول حاصل کرلیے گئے، پی ٹی آئی

کاش ’کرکٹر‘ بھی قوم میں اتحاد پیدا کرنے کا ذریعہ بنتا، احسن اقبال

عمران خان پر حملہ: ابتدائی فرانزک رپوٹ میں کم از کم حملہ آور 2 تھے، عمر سرفراز چیمہ

وزیراعظم کی نواز شریف سے ملاقات، اہم فیصلے متوقع

سود کیخلاف فیصلے پر اپیلیں واپس لینے کا اعلان خوش آئند ہے، طاہر اشرفی

بلوچستان کے حالات کے ذمے دار ضیاء لانگو جیسے سیاستدان ہیں، وفاقی وزیر آغا حسن بلوچ

پی ٹی آئی کے کارکنوں نے ایم ٹو موٹر وے کھود ڈالی

نوجوان سے بدفعلی کے الزام میں 3 افراد گرفتار، ایس ایس پی

جے یو آئی سندھ کا 20 نومبر سے جلسوں کا اعلان

سرکاری آٹا اسمگل کرنے والے ملزم کو محکمہ خوراک نے پکڑلیا

ترکیہ میں قید پاکستانی کی رہائی کے احکامات جاری

جسٹس فائز عیسٰی غلط پارکنگ پر برہم