Categories
Breaking news

رجب طیب اردگان کون سا بڑا اعلان کرنے جا رہے ہیں؟ اہم خبر کی جانیے تفصیلات

Advertisement
Advertisement

 رجب طیب اردگانترک صدر رجب طیب اردگان نے کہا ہے کہ ترکی کے لیے ایک بڑی خبر ہے جس کا اعلان بروز جمعہ کیا جائے گا۔

تفصیلات کے مطابق ترک صدر رجب طیب اردگان جمعے کو ایک اہم اعلان کرنے جا رہے ہیں جس کے بعد ترکی میں ایک نئے دور کا آغاز ہوگا۔

مقامی میڈیا کے مطابق ترک صدر نے کہا کہ اگر میں یہ خبر ابھی دے دوں تو ہم اپنا جوش وخروش کھو دیں گے، لہذا مجھے لگتا ہے ابھی یہ خبر دینے کا درست وقت نہیں ہے۔

ترک ایوان صدر کے ذرائع کا کہنا ہے کہ ترکی اس رواں ہفتے کے آخر میں مشرقی بحیرہ روم میں نئے گیس فیلڈ کی دریافت کا اعلان کرے گا۔

سرکاری ذرائع کے مطابق ترک صدر گیس کے نئے ذخائر دریافت کرنے کا اعلان کریں گے۔ترکی پہلے ہی ڈرلنگ جہاز کونی روانہ کرچکا ہے، عملے میں 35 افراد شامل ہیں۔

یاد رہے کہ گزشتہ ماہ ترکی کے وزیر توانائی و قدرتی وسائل فاتح دونمیز کا کہنا تھا کہ مشرقی بحیرہ روم میں قدرتی وسائل کی تلاش کے لیے چوتھا بحری جہاز بھی روانہ کرنے والے ہیں، 2 ڈرلنگ اور ایک زلزلہ کے اثرات کا جائزہ لینے والے بحری جہاز کی کارروائیوں کے بعد اب اورچ رئیس سسمک ریسرچ بحری جہاز بھی ان سرگرمیوں میں حصہ لے گا۔

فاتح دونمیز کا کہنا تھا کہ ترکی مشرقی بحیرہ روم میں قدرتی وسائل کی تلاش کے کام کو جاری رکھے گا، ہم اپنی سمندری حدود اور شمالی قبرصی ترک جمہوریہ کی پٹرولیم کمپنی کی جانب سے اجازت دینے والے مقامات پر تیل اور گیس کی تلاش جاری رکھیں گے۔

Advertisement

Leave a Reply

Your email address will not be published. Required fields are marked *