Categories
Breaking news

دنیا بھر میں آج یومِ یکجہتی کشمیر منایا جائے گا

دنیا بھر میں آج یومِ یکجہتی کشمیر منایا جائے گا

پاکستان سمیت دنیا بھر میں آج یومِ یکجہتی کشمیر منایا جائے گا۔

ہر سال کی طرح اس بار بھی یومِ یکجہتی، کشمیریوں کی مکمل حمایت کے عزم اور مقبوضہ کشمیر میں نہتے کشمیریوں پر قابض بھارتی افواج کے مظالم کی مذمت کے طور پر منایا جائے گا۔

آج یومِ یکجہتی کشمیر کے موقع پر پاکستان سمیت مختلف ممالک میں ریلیاں نکالی جائیں گی، جلسوں اور احتجاجی مظاہروں کا اہتمام بھی کیا جائے گا۔

ٹوکیو میں بھارتی سفارتخانے کے سامنے احتجاجی مظاہرہ

یوم یکجہتی کشمیر کے حوالے سے جاپان کے دارالحکومت ٹوکیو میں بھارتی سفارتخانے کے سامنے کشمیر یکجہتی فورم اور کشمیر کونسل جاپان کے زیر اہتمام زبردست احتجاجی مظاہرہ کیا گیا جس میں پاکستانی و کشمیری کمیونٹی کی بڑی تعداد نے شرکت کی۔

کوہالہ پُل پر انسانی ہاتھوں کی سب سے بڑی زنجیر بھی آج بنائی جائے گی جبکہ مرکزی تقریب منگلا پل میرپور میں ہوگی۔ عوام مقبوضہ کشمیر کے مظلوم شہریوں کے ساتھ یکجہتی کا اظہار کریں گے۔

یومِ یکجہتی کشمیر کے موقع پر بیرون ملک پاکستانی سفارت خانوں میں بھی خصوصی تقاریب منعقد کی جائیں گی۔

قومی خبریں سے مزید

Original Article

Leave a Reply

Your email address will not be published.