Categories
Breaking news

خیرپور: یونیورسٹی طالبہ کے مبینہ اغوا کی کوشش ، ملزم گرفتار

خیرپور: یونیورسٹی طالبہ کے مبینہ اغوا کی کوشش ، ملزم گرفتار

خیرپور میں شاہ عبد الطیف یونیورسٹی کی بس سے طالبہ کے مبینہ اغوا کی کوشش کے الزام میں مرکزی ملزم صفدر وسان کو سندھ ہائیکورٹ کے حکم پر پولیس نے گرفتار کرلیا، ملزم کو ریمانڈ کے لیے آج سول کورٹ رانی پور میں پیش کیا جائے گا۔

شاہ عبد الطیف یونیورسٹی کی متاثرہ لڑکی کی مدعیت میں ملزم صفدر وسان سمیت 16 افراد کے خلاف مقدمہ درج ہے، صفدر وسان کے خلاف رانی پور تھانے میں بس میں لڑائی اورتشدد کے دو مقدمات درج ہیں ایک مقدمہ متاثرہ لڑکی اور دوسرا مقدمہ یونیورسٹی طالبعلم کی مدعیت میں درج ہے۔

خیرپور :شاہ عبدالطیف یونیورسٹی کی طالبہ کے مبینہ اغوا کی کوشش کے معاملے میں نیا موڑ آ گیا

متاثرہ لڑکی نے اپنے بیان میں کہا کہ پوائنٹ میں موجود لڑکیاں میری حفاظت کیلئے کھڑی ہوئیں، ملزم دوسرے دروازے سے بس میں آیا تو طلبہ بھی حفاظت کے لیے کھڑے ہوئے۔

متاثرہ لڑکی کے والد چند روز قبل ملزم صفدر وسان کو معاف کرچکے ہیں، ملزم صفدر وسان کے والد نے متاثرہ لڑکی کے گھر پہنچ کر معافی مانگی تھی۔

واضح رہے کہ چند روز قبل ملزم نے یونیورسٹی طالبہ کو مبینہ طور پر اغوا کرنے کی کوشش کی تھی ، اس موقع پر بس میں موجود دیگر طلبا نے مزاحمت کرکے اغوا کی کوشش کو ناکام بنایا تھا۔

قومی خبریں سے مزید

Original Article

Leave a Reply

Your email address will not be published.