Categories
Breaking news

خیرپور: قتل کے بعد جلائے گئے ASI بلاول وسان کے 2 دوست گرفتار

Advertisement

سندھ کے شہر خیرپور میں وزیرِاعلیٰ سندھ مراد علی شاہ کے معاونِ خصوصی نواب خان وسان کے بھانجے اے ایس آئی بلاول وسان کو بے دردی سے قتل کرنے کے بعد لاش کو گاڑی سمیت جلائے جانے کے معاملے میں پولیس نے مقتول کے 2 دوستوں کو گرفتار کر لیا۔

ملزمان نے لاش کو گاڑی سمیت جلا کر قتل کو حادثے کا رنگ دینے کی کوشش کی تھی، تاہم پوسٹ مارٹم رپورٹ نے معمہ حل کر دیا۔

18 نومبر کی رات کو بھرگڑی کے علاقے کے قریب سےجلی ہوئی ڈبل کیبن گاڑی سے اے ایس آئی بلاول وسان کی مکمل جھلسی ہوئی ناقابلِ شناخت لاش ملی تھی۔

خیرپور: جلی ہوئی ڈبل کیبن سے لاش برآمد

پولیس کے مطابق جلی ہوئی ڈبل کیبن گاڑی اےایس آئی بلاول وسان کی ہے

پوسٹ مارٹم رپورٹ میں انکشاف ہوا کہ اے ایس آئی بلاول وسان کو بے دردی سے قتل کرنے کے بعد اس کی لاش کو جلایا گیا۔

پوسٹ مارٹم رپورٹ کے مطابق بلاول وسان کے دونوں ہاتھ اور ٹانگیں کاٹی گئی تھیں، جب کہ اس کی کھوپڑی اور پسلیوں میں بھی فریکچر پایا گیا ہے۔

ملزمان نے لاش کو گاڑی سمیت جلا کر قتل کو حادثے کا رنگ دینے کی کوشش کی۔

یہ بھی پڑھیے

پولیس کے مطابق قتل کے شبے میں بلاول وسان کے 2 دوستوں کو حراست میں لے کر تفتیش شروع کر دی گئی ہے، حقائق جلد سامنے آ جائیں گے۔

مقتول کے گرفتار دوست فراز راجپوت کو گزشتہ روز کراچی سے حراست میں لیا گیا تھا جو گاڑی میں آگ لگنے کے وقت فرار ہوا تھا اور اسے عینی شاہدین نے بھی شناخت کیا تھا۔

فراز راجپوت نے گرفتاری کے بعد تصدیق کی تھی کہ گاڑی سے ملنے والی لاش بلاول وسان کی ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *