Categories
Breaking news

خیبر پختونخوا کے صوبائی وزیر کیخلاف کارروائی کی سفارش

خیبر پختونخوا کے صوبائی وزیر ریلیف اور بحالی اقبال وزیر کے خلاف کارروائی کی سفارش کردی گئی۔

محکمہ بلدیات کے ملازمین کو یرغمال بنانے کے معاملے پر ڈی جی بلدیات نے سیکریٹری لوکل گورنمنٹ کو واقعے کی رپورٹ ارسال کردی ہے۔

رپورٹ میں صوبائی وزیر ریلیف اقبال وزیر کے خلاف کارروائی کی سفارش کی گئی۔

رپورٹ میں بتایا گیا کہ اقبال وزیر نے مسلح افراد کے ذریعے ڈی جی آفس کے عملہ کو 7 گھنٹے تک یرغمال بنائے رکھا۔

صوبائی وزیر کے پی کی لوکل گورنمنٹ دفتر میں تلخ کلامی

ویڈیو وائرل ہونے کے بعد جیو نیوز نے صوبائی وزیر سے مؤقف لینےکیلئے رابطہ کیا، صوبائی وزیر اقبال وزیر نے مؤقف دینے سے گریز کرتے ہوئے بد کلامی بھی کی۔

رپورٹ کے مطابق صوبائی وزیر اقبال وزیر وزیرستان میں کلاس فور کی بھرتیوں کا مطالبہ کر رہے تھے، انکار پر انہوں نے اسٹاف کو تشدد کا نشانہ بنایا۔

رپورٹ میں انکشاف کیا گیا کہ اس سے قبل بھی اقبال وزیر نے ایسا کیا تھا لیکن کوئی کارروائی نہیں کی گئی۔

رپورٹ کے مطابق ڈی جی آفس بلدیات کے افسران سمیت تمام ملازمین نے ہڑتال کا اعلان کیا ہے، وزیر کو ہٹانے تک ملازمین نے ہڑتال جاری رکھنے کا فیصلہ کیا ہے، ملازمین نے قانونی کارروائی کےلیے ایکشن کمیٹی بھی تشکیل دی ہے۔

قومی خبریں سے مزید

Original Article

Leave a Reply

Your email address will not be published. Required fields are marked *