Categories
Breaking news

خیبر پختونخوا: بلدیاتی انتخابات کا دوسرا مرحلہ، پولنگ شروع

خیبر پختونخوا: بلدیاتی انتخابات کا دوسرا مرحلہ، پولنگ شروع

خیبر پختون خوا میں آج دوسرے مرحلے کے بلدیاتی انتخابات کا میدان سج گیا، پاکستان تحریکِ انصاف (پی ٹی آئی) کی مقبولیت کا امتحان بھی شروع ہو گیا۔

خیبر پختون خوا کے 18 اضلاع میں عوام آج ووٹ کے ذریعے فیصلہ کر رہے ہیں، صبح 8 بجے شروع ہونے والی پولنگ شام 5 بجے تک جاری رہے گی۔

صوبے بھر میں تمام پولنگ اسٹیشنز پر پولنگ کے سامان کی گزشتہ روز ترسیل کر دی گئی ہے ۔

شمالی اور جنوبی وزیرستان، اورکزئی، شانگلہ، مالا کنڈ، دیر بالا، دیر زیریں، چترال، مانسہرہ، بٹ گرام، تورغر اور کوہستان میں بھی پولنگ ہو گی۔

ایبٹ آباد اور سوات میں سٹی میئر کی نشست کے لیے کڑا مقابلہ متوقع ہے۔

بلدیاتی الیکشن میں 29 ہزار 3 سو 38 امیدوار میدان میں ہیں، تحصیل میئر اور چیئرمین کی نشستوں کے لیے 651 امیدوار ہیں۔

ویلیج، نیبرہڈ میں جنرل نشستوں پر 13 ہزار 331 افراد انتخابی عمل میں حصہ لے رہے ہیں، خواتین کی نشستوں پر 3 ہزار 201 امیدوار میدان میں ہیں۔

مزدور اور کسان کی نشستوں پر 6602، یوتھ پر 5446 امیدوار جبکہ اقلیتی نشستوں پر 107 امیدواروں کے مابین مقابلہ ہو گا۔

قومی خبریں سے مزید

Original Article

Leave a Reply

Your email address will not be published.