Categories
Breaking news

خودکش حملہ آور خاتون کی شناخت ہو گئی: ایڈیشنل آئی جی

خودکش حملہ آور خاتون کی شناخت ہو گئی: ایڈیشنل آئی جی

ایڈیشنل آئی جی کراچی غلام نبی میمن کا کہنا ہے کہ خود کش دھماکا کرنے والی خاتون کی شناخت کر لی گئی ہے۔

’’خودکش حملہ آور خاتون جامعہ کراچی کے ہاسٹل میں رہتی تھی‘‘

’جیو نیوز‘ سے گفتگو کرتے ہوئے ایڈیشنل آئی جی کراچی غلام نبی میمن نے بتایا کہ خودکش حملہ آور خاتون جامعہ کراچی کی طالبہ تھی اور ہاسٹل میں ہی رہتی تھی۔

’’خودکش حملہ آور خاتون ایم فل کی طالبہ تھی‘‘

انہوں نے بتایا کہ خاتون نے ایجوکیشن میں ماسٹرز کیا اور ایم فل فرسٹ ایئر میں تھی، ممکنہ طور پر خاتون کو دھماکا خیز مواد یونیورسٹی کے اندر ہی فراہم کیا گیا۔

خاتون کا خودکش حملہ، 3 چینی ہلاک، جامعہ کراچی میں کنفیوشس انسٹی ٹیوٹ کے باہر وین کو نشانہ بنایا گیا، ڈرائیور بھی جاں بحق

کراچیجامعہ کراچی میں خودکش حملہ، 3چینی…

ایڈیشنل آئی جی غلام نبی میمن کا کہنا ہے کہ سی سی ٹی وی میں خودکش حملہ آور خاتون کو مطمئن دیکھا گیا ہے، گاڑی اور اس میں موجود غیر ملکی اساتذہ کی مکمل ریکی کی گئی تھی۔

انہوں نے کہا کہ تعلیمی ادارے میں ایسا واقعہ ہونا حیرت انگیز ہے، جامعہ کراچی میں مذکورہ خاتون کے تعلیمی ریکارڈ کو چیک کیا جا رہا ہے۔

ایڈیشنل آئی جی نے کہا کہ جامعہ کراچی کی اپنی سیکیورٹی ہے اور اندر رینجرز کا ونگ بھی ہے، دہشت گردی کے واقعات صرف انٹیلی جنس معلومات پر ناکام بنائے جا سکتے ہیں۔

’’یونیورسٹی میں آنیوالے طلبہ اور افراد کی تلاشی لینا ممکن نہیں‘‘

انہوں نے کہا کہ ممکن نہیں کہ یونیورسٹی میں آنے والے طلبہ اور افراد کی تلاشی لی جائے، جامعہ کراچی کے حوالے سے سیکیورٹی خدشات نہیں تھے، اساتذہ کی گاڑی کے پیچھے رینجرز اہلکار سیکیورٹی پر مامور تھے۔

اختر مینگل کی جامعہ کراچی میں خودکش حملے کی شدید مذمت

بلوچستان نیشنل پارٹی (بی این پی) کے سربراہ سردار اختر مینگل نے جامعہ کراچی میں خودکش حملےکی شدید مذمت کی ہے۔

ایڈیشنل آئی جی غلام نبی میمن نے مزید بتایا کہ شہر میں سیف سٹی پروجیکٹ پر کام کرنا ہو گا، 44 ہزار کیمرے شہریوں کی مدد سے لگائے جاچکے ہیں۔

انہوں نے یہ بھی بتایا کہ کراچی شہر کے داخلی اور خارجی راستوں پر سیکیورٹی پلان موجود ہے، دہشت گرد حملے سے متعلق مختلف مقامات سے سی سی ٹی وی فوٹیجز جمع کر رہے ہیں، جن کے شواہد سے مزید حقائق سامنے آ سکیں گے۔

قومی خبریں سے مزید

Original Article

Leave a Reply

Your email address will not be published.