Categories
Breaking news

خان صاحب پرفارم نہیں کرسکے، اکثریت کھو چکے، اکبر ایس بابر

خان صاحب پرفارم نہیں کرسکے، اکثریت کھو چکے، اکبر ایس بابر

اکبر ایس بابر کا کہنا ہے کہ خان صاحب پرفارم نہیں کرسکے، عمران خان اکثریت کھو چکے ہیں،جب لیڈرز اپنی ذات سےہٹ کر جمہوریت مضبوط کرنے کے فیصلے کرتے ہیں تو جمہوریت مضبوط ہوتی ہے، ملک کے مفادات داؤ پر لگانے سے جمہوریت مضبوط نہیں ہوتی۔

الیکشن کمیشن کے باہر میڈیا سے گفتگو کرتے ہوئے اکبر ایس بابر نے کہا کہ فارن فنڈنگ کا کیس تاریخی ہے، یہ معاملہ تمام سیاسی جماعتوں پر لاگو ہونا چاہیے، عمران خان کو ذمے داری قبول کرنا ہوگی اور پیچھے ہٹنا ہوگا۔

انہوں نے کہا کہ عمران خان صاحب پرفارم نہیں کرسکے کیونکہ ان کے پاس لیڈر شپ نہیں تھی، ہم پی ٹی آئی کے ورکرز کو اکٹھا کریں گے، تجدید نو کریں گے۔

Table of Contents

ظاہر شدہ اکاؤنٹس سے پیسہ منتقل ہونا قابل غور بات ہوسکتی ہے، چیف الیکشن کمشنر

پی ٹی آئی ممنوعہ فارن فنڈنگ کیس میں چیف الیکشن کمشنر نے ریمارکس دیئے کہ ظاہرشدہ اکاؤنٹس سے پیسہ منتقل ہونا قابل غور بات ہوسکتی ہے، وکیل اکبر ایس بابر نے کہا کہ اسکروٹنی کمیٹی نے اپنے کام کا حق ادا نہیں کیا۔

اکبر ایس بابر نے کہا کہ عمران خان نے جو طریقہ کار اپنایا اس کی ذمے داری قبول کریں، اُن کا احتساب ہونا ضروری ہے، انہوں نے قوم کے ساتھ بہت بڑا دھوکہ کیا، پی ٹی آئی کے اپنے گروپس بنے ہوئے ہیں اور بغاوت پر ہیں۔

انہوں نے کہا کہ پارٹی اگر پارلیمانی طریقے سے ہٹ جاتی تو اس میں کوئی حرج نہیں، یہی جمہوریت ہوتی ہے، آج پی ٹی آئی بکھر چکی ہے، عمران خان جس راستے پر چل رہےہیں وہ تباہ ہوجائیں گے۔

اکبر ایس بابر کا کہنا تھا کہ عمران خان پارٹی میں ہوں گے یا نہیں، یہ ان کے رویے پر منحصر ہے، پارٹی اُن کے پاس جائے گی جنہوں نے پارٹی بنائی تھی۔

قومی خبریں سے مزید

Original Article

Leave a Reply

Your email address will not be published.