حیدر عباس رضوی نے ملک چھوڑنے کی وجوہات بتادیں

متحدہ قومی موومنٹ (ایم کیو ایم) کے سینئر رہنما حیدر عباس رضوی نے ملک سے باہر جانے کی وجوہات سے پردہ اُٹھا دیا۔

ایک انٹرویو میں حیدر عباس رضوی نے کہا کہ مجھے لگا کہ دباؤ بڑھ رہا ہے تو بہتر سمجھا کہ ملک سے باہر چلاجاؤں۔

Table of Contents

انہوں نے کہا کہ سیکیورٹی خدشات تھے، دباؤ بھی تھا، صورتحال اتنی زیادہ پیچیدہ تھی کہ مناسب سمجھا کہ ملک سے باہر چلا جاؤں۔

ایم کیو ایم کے سینئر رہنما نے مزید کہا کہ الزام کوئی کچھ بھی لگا سکتا ہے میرے خلاف کوئی ایسی چیز سامنے نہیں آئی۔

ان کا کہنا تھا کہ میں درمیان میں پارٹی کے مشورے پر ہی وطن واپس آیا تھا اور پھر ان ہی کہنے پر واپس چلا گیا۔

حیدر عباس رضوی نے یہ بھی کہا کہ مردم شماری کی درستی ایم کیو ایم کے معاہدے کا پہلا نکتہ تھا، آج حکومتی سطح پر ایم کیو ایم سے رابطے ہوئے ہیں۔

انہوں نے کہا کہ ہمارے 9 نکاتی معاہدے میں ایک پر بھی عمل ہوتا دکھائی نہیں دیا، پانچ فیصد مردم شماری کی پڑتال کا مطالبہ صرف ایم کیو ایم کا نہیں تھا۔

ایم کیو ایم کے سینئر رہنما نے کہا کہ قبل از وقت مردم شماری ہو تو اس پر بات کی جاسکتی ہے، پیپلز پارٹی کی تو تاریخ ہے کہ لولی پاپ دینے کی۔

قومی خبریں سے مزید

بلوچستان میں لیویز اہلکاروں کی کارروائی، بڑی تعداد میں اسلحہ و بارود برآمد