Categories
Breaking news

حکومت کی شہباز اور حمزہ کو گرفتار کرانے کی کوشش

تحریکِ عدم اعتماد کو ناکام بنانے کے لیے وفاقی حکومت نے مسلم لیگ ن کے صدر، قومی اسمبلی میں قائدِ حزبِ اختلاف میاں شہباز شریف اور ان کے صاحبزادے پنجاب اسمبلی میں اپوزیشن لیڈر، اپوزیشن کے وزارتِ اعلیٰ کے امیدوار حمزہ شہباز کے خلاف بڑے اقدام کا فیصلہ کر لیا۔

ذرائع نے بتایا ہے کہ حکومت کی جانب سے شہباز شریف اور حمزہ شہباز کی ضمانتیں منسوخ کرا کے انہیں گرفتار کرانے کی کوشش کی جا رہی ہے۔

ذرائع نے بتایا کہ ضمانتیں منسوخ کرانے کے لیے وفاقی حکومت آج ہی لاہور کی مقامی عدالت سے رجوع کرے گی۔

جہانگیر ترین نے حمزہ شہباز کی حمایت کا اعلان کردیا

جہانگیر ترین نے وزیراعلیٰ پنجاب کے لیے اپوزیشن کے متفقہ امیدوار حمزہ شہباز کی مکمل حمایت کا اعلان کردیا ہے

اس ضمن میں وزارتِ قانون نے ایف آئی اے کو ضروری ہدایات جاری کر دی ہیں۔

وزارتِ قانون قانونی حیثیت سے متعلق مراسلہ بھی ایف آئی اے کو بھجوائے گی۔

یاد رہے کہ شہباز شریف اور حمزہ شہباز ایف آئی اے کے 2 مختلف کیسز میں ضمانت پر ہیں۔

اس سے قبل حکومت سے ناراض پی ٹی آئی کے ترین گروپ کے سربراہ جہانگیر ترین نے وزیرِ اعلیٰ پنجاب کے لیے اپوزیشن کے متفقہ امیدوار حمزہ شہباز کی مکمل حمایت کا اعلان کر چکے ہیں۔

جہانگیر ترین کی مسلم لیگ ن کے رہنما اسحٰق ڈار سے لندن میں طویل ملاقات ہوئی ہے۔

ملاقات کے دوران ملکی سیاست کے حوالے سے بات چیت ہوئی اور مستقبل کے حوالے سے مختلف آپشنز پر غور بھی کیا گیا۔

قومی خبریں سے مزید

Original Article

Leave a Reply

Your email address will not be published.